Нядаўна стала вядома, што Беларуская чыгунка адмяняе прыгарадныя цягнікі з Ліды на памежную з Літвой станцыю Беняконі. Тады ж на чыгуначных форумах прыкмецілі, што ў новым раскладзе на 2026 год няма знакамітых прычапных вагонаў Мінск — Друя, якія ідуць да самай мяжы Латвіі. Пошук па сістэме раскладаў паказваў: цягнікі прызначаныя ў абарачэнне толькі да 13 снежня 2025-га, пасля гэтай даты па маршруце Мінск — Друя, Друя — Мінск і па прамежкавых станцыях цягнікі не выдаваліся зусім. Узнікла падазрэнне, што гэтыя цягнікі таксама хочуць адмяніць. Але пакуль што абышлося, піша Blizko.by.
Цяпер гэтыя цягнікі ў раскладзе ўжо з'явіліся. На дні, якія прымыкаюць да навагодніх святаў, даюцца канкрэтныя даты курсіравання цягнікоў, а далей проста пазначана: па суботах і нядзелях.
Blizko.by праверыў расклад на розныя дні і знайшоў цягнікі з Мінска ў Друю і назад, а таксама з прамежкавых прыпынкаў.
Праўда, квіткі на іх купіць пакуль нельга: цана не адлюстроўваецца, сістэма выдае «месцаў няма».
А вось прыгарадны дызель-цягнік Круляўшчызна — Лынтупы на просты запыт усё гэтак жа сама не выдаецца, яго можна ўбачыць толькі пры пошуку раскладу па прамежкавых станцыях (Паставы, Гадуцішкі і іншыя).
Цяпер чытаюць
Радзільныя дамы спаборнічаюць, у каго 3 ліпеня народзіцца больш дзяцей16
Каментары