Lidar kiroŭnaj partyi Litvy: Vialikaja vierahodnaść, što miaža ź Biełaruśsiu budzie adkryta
U aŭtorak na pasiadžeńni Kamisii pa nacyjanalnaj biaśpiecy Litvy, pryśviečanym situacyi z zachrasłymi ŭ Biełarusi hruzavikami i situacyi z kantrabandaj praz pavietranyja šary, lidar kiroŭnaj Litoŭskaj sacyjał-demakratyčnaj partyi Mindaŭhas Sinkiavičus skazaŭ, što isnuje vielmi vysokaja vierahodnaść adkryćcia miažy ź Biełaruśsiu jašče da 30 listapada, paviedamlaje LRT.
«Ja dumaju, što jana vielmi vysokaja», — skazaŭ Sinkiavičus žurnalistam u Siejmie, adkazvajučy na pytańnie pra vierahodnaść adkryćcia miažy ź Biełaruśsiu raniej zapłanavanaha terminu.
«Jość vialikaje žadańnie praduchilić hetuju situacyju, vierahodna, usio źviazana z nadvorjem, ale chočacca vieryć, što Biełaruś taksama zrabiła svaje vysnovy (adnosna kantrabandnych pavietranych šaroŭ)», — dadaŭ Sinkiavičus.
Sinkiavičus u paniadziełak zapeŭnivaŭ, što važnyja rašeńni pa hetym pytańni buduć pryniaty na pasiadžeńni Kamisii pa nacyjanalnaj biaśpiecy ŭ aŭtorak.
«Kamisija pa nacyjanalnaj biaśpiecy prymie najbolš adekvatnaje i aptymalnaje rašeńnie, jakoje adpaviadaje intaresam usich pieravozčykaŭ, pradpryjemstvaŭ, jakija dziejničajuć i apynulisia ŭ zamknionym stanoviščy sa svaimi hruzavikami», — zajaviŭ palityk u aŭtorak.
Situacyja dynamičnaja, i my spadziajemsia, što jana narmalizujecca. Heta nie tolki tearetyčnyja zdahadki, ale i paśladoŭnyja dziejańni kryminalistaŭ, pamiežnikaŭ, mytnikaŭ, palicyi, a taksama palityčnyja i dypłamatyčnyja kroki. Spadziajusia, što padobnaja situacyja bolš nie paŭtorycca», — dadaŭ lidar sacyjal-demakrataŭ.
Paśla taho, jak Polšča ŭ paniadziełak adkryła dva punkty propusku na miažy ź Biełaruśsiu, Sinkiavičus skazaŭ, što adčuvaje salidarnaść susiednich krain, a situacyja z kantrabandnymi pavietranymi šarami i zachrasłymi ŭ Biełarusi hruzavikami abmiarkoŭvałasia i z Złučanymi Štatami.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary
Viaršynia dypłamatyi i palityčnaha majsterstva: z surjoznym tvaram kazać na čornaje, što heta biełaje.