U Rasii zdymajuć kamiedyjny sieryjał pra «SVA». Hienieralnym pradziusaram staŭ Vadzim Hałyhin
Anłajn-kinateatr Premier abviaściŭ pra start zdymak kamiedyjnaha sieryjała «Advarotny bok miedala» pra słužbu i byt rasijskich dobraachvotnikaŭ-zachopnikaŭ na froncie va Ukrainie.
Prajekt zdymaje režysior Aleh Famin pavodle scenara ŭdzielnika «SVA» Mikałaja Sidarava. Adnym z hienieralnych pradziusaraŭ zajaŭleny biełaruski komik Vadzim Hałyhin, piša Insider.
Roli ŭ sieryjale vykanajuć Uładzimir Jepifancaŭ, Andrej Frałoŭ, Alaksandr Hałavin, Mirasłava Michajłava, Alaksandr Łaje, Alaksandr Michajłaŭ, Huram Bablišvili i inšyja.
Sieryjał «Advarotny bok miedala» raskazvaje pra hrupu dobraachvotnikaŭ, jakaja prybyvaje ŭ zonu bajavych dziejańniaŭ. Apynuŭšysia ŭ zonie bajavych dziejańniaŭ, jany spačatku dapuskajuć šmat pamyłak, traplajuć praź niaviedańnie ŭ niebiaśpiečnyja, kurjoznyja i absurdnyja situacyi, ale nibyta pastupova nabirajucca dośviedu.
Vadzim Hałyhin naradziŭsia ŭ Barysavie. Paśla škoły pastupiŭ u Minskaje vyšejšaje vajskova-kamandnaje vučylišča, jakoje skončyŭ u 1997 hodzie. Atrymaŭ zvańnie lejtenanta i słužyŭ u armii Biełarusi, paźniej zvolniŭsia ŭ zapas u zvańni staršaha lejtenanta. Atrymaŭ šyrokuju viadomaść dziakujučy ŭdziełu ŭ Kłubie viasiołych i znachodlivych i Comedy Club.
Prajekt stvarajecca pradziusarami kampanii WMG pry padtrymcy Instytuta raźvićcia internetu (IRI). Paśla napadu Rasii na Ukrainu IRI finansuje pad vyhladam «patryjatyčnaha» internet-kantentu prapahandysckija prajekty, na jakija vyłučajucca niekalki miljardaŭ rasijskich rubloŭ.
Ciapier čytajuć
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3636
Kamientary