Lidar «Alternatyvy dla Hiermanii» vystupiŭ u abaronu Pucina i nazvaŭ Polšču pahrozaj dla FRH
«Jon mnie ničoha nie zrabiŭ. Ja nie baču nijakaj pahrozy dla Hiermanii z boku Rasii. Pucin navat nie pahražaŭ atakavać Hiermaniju jadziernaj bombaj», — skazaŭ Cina Chrupała.
Sustaršynia partyi «Alternatyva dla Hiermanii» Tyna Chrupała vystupiŭ na telekanale ZDF i zrabiŭ šerah hučnych zajaŭ. Chrupała, u pryvatnaści, zajaviŭ, što nie ličyć Uładzimira Pucina pahrozaj, paviedamlaje Bild.
«Jon mnie ničoha nie zrabiŭ. Ja nie baču nijakaj pahrozy dla Hiermanii z boku Rasii. Pucin navat nie pahražaŭ atakavać Hiermaniju jadziernaj bombaj», — skazaŭ palityk.
U toj ža čas jon abvinavaciŭ Polšču ŭ «dvajnych standartach» i nazvaŭ jaje patencyjnaj niebiaśpiekaj.
«Viadoma, Polšča moža pradstaŭlać dla nas niebiaśpieku. Uziać chacia b dvajnyja standarty ŭ adnosinach da hazapravoda «Paŭnočny patok», kali Polšča nie vydaje Hiermanii terarysta», — dadaŭ Chrupała.
Palityk taksama pastaviŭ pad sumnieŭ danyja pra nieviadomyja bieśpiłotniki, jakija ŭ apošnija tydni zaŭvažali na terytoryi Jeŭropy.
«Kali kancler kaža pra rasijskija bieśpiłotniki, to ŭ jaho pavinny być dokazy, inakš my chutka apyniemsia ŭ toj vobłaści, u jakoj vy nas abvinavačvajecie, a mienavita ŭ prapahandzie. Uzbrojenyja siły Hiermanii nie paćvierdzili nivodnaha rasijskaha bieśpiłotnika», — adznačyŭ Chrupała.
Akramia taho, u efiry palityk nazvaŭ siabie «dysidentam» i paskardziŭsia na «pieraśled apazicyi» ŭ Hiermanii. Na heta rasijski apazicyjanier Uładzimir Kara-Murza spytaŭ: «Našych apazicyjanieraŭ zabivajuć. Kolki z vašaj partyi było zabita?»
«Navat na mianie napadali, i ja pakul nie viedaju, chto mienavita. Nie viedaju, ci było heta dziaržava. Mahčyma, heta byli śpiecsłužby abo niechta jašče. Tamu zaŭsiody treba być napahatovie. My bačym, jak ciapier staviacca da apazicyi ŭ Hiermanii», — adkazaŭ Chrupała.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ80
Kamientary
NN, chaciełasia b pračytać vaš raspoviad na hetuju temu.