Daradca premjera Litvy: Punkt «Salečniki — Bieniakoni» dla pieravozčykaŭ mohuć adkryć na hetym tydni
Paśla taho jak u Biełarusi zachraśli kala piaci tysiač litoŭskich hruzavikoŭ i paŭpryčepaŭ, a Minsk zabaraniŭ ich pieramiaščeńnie pa krainie, daradca premjer-ministra Inhi Ruhinienie zajaviŭ, što časova zakryty punkt propusku «Salečniki» (ź biełaruskaha boku «Bieniakoni») moža być adkryty dla pieravozčykaŭ užo na hetym tydni, paviedamlaje LRT.
«Stvarajecca tak zvany sanitarny kalidor, kab hruzaviki, zarehistravanyja ŭ Litvie i Jeŭrapiejskim Sajuzie, mahli viarnucca ŭ krainu. Jak viadoma, Biełaruś ustanaviła paradak, pavodle jakoha jany mohuć viartacca tolki praz toj pamiežny punkt, praź jaki ŭjechali. Mienavita ŭ hetym i zaklučajecca składanaść situacyi», — skazaŭ daradca premjer-ministra Ihnas Dabravolskas.
«Dasiahnuta damoŭlenaść, što buduć prykładzieny ŭsie namahańni, kab zrabić heta jak maha chutčej. Spadziajomsia, što ŭžo na hetym tydni, bo chočacca, kab našy hruzaviki jak maha chutčej viarnulisia dadomu», — dadaŭ jon.
Ministr unutranych spraŭ Uładzisłaŭ Kandratovič taksama zajaviŭ u čaćvier u efiry «Žinių radijas», što viaducca namahańni adkryć časova zakryty punkt propusku «Salečniki», kala jakoha, pavodle jaho słoŭ, z boku Biełarusi čakajuć kala 500 transpartnych srodkaŭ.
Premjer-ministr u Litvy ŭ sieradu adznačyła, što Litva źvierniecca da Minska z prośbaj dazvolić hruzavikam viarnucca, a Kandratovič zhadaŭ i pra płany pavialičyć prapusknuju zdolnaść častkova funkcyjanujučaha punkta «Miedniki».
«Lipa va ŭsich sensach». Voś jak buduć vyhladać drevy ŭ vazonach na hałoŭnym minskim praśpiekcie. Błohiery atrymali zadańnie imi zachaplacca10
Kamientary