SK pačaŭ śpiecvytvorčać suprać byłoha dyrektara alimpijskaha centra pa frystajle
Vadzima Kryvašejeva, jaki da 2020 hoda byŭ dyrektaram Respublikanskaha centra alimpijskaj padrychtoŭki pa frystajle, abvinavačvajuć pa niekalkich artykułach KK. Sudzić jaho buduć zavočna.
Vadzim Kryvašejeŭ. Fota: tribuna
Paviedamleńnie pra śpiecyjalnuju vytvorčać suprać Vadzima Kryvašejeva źjaviłasia ŭ telehram-kanale SK.
Jaho abvinavačvajuć u:
- Pieravyšeńni ŭłady abo słužbovych paŭnamoctvaŭ (častka 3 art. 426 KK);
- Zmovie ci inšych dziejańniach, učynienych z metaj zachopu ŭłady (častka 1 art. 357 KK);
- Dziejańniach suprać nacbiaśpieki (častka 3 art. 361 KK);
- Stvareńni ci ŭdziele ŭ «ekstremisckim farmiravańni» (častka 3 art. 361-1).
Da vieraśnia 2020‑ha Vadzim Kryvašejeŭ niekalki hadoŭ zajmaŭ pasadu dyrektara RCAP pa frystajle. Z ustanovy jaho zvolnili za «pravalenuju ideałahičnuju pracu» — viadomyja frystajlisty Alaksandra Ramanoŭskaja i Dźmitryj Daščynski, a taksama trenier zbornaj Mikałaj Kazieka vykazali niezadavolenaść hvałtam z boku siłavikoŭ paśla padziej 9‑-11 žniŭnia taho hoda.
Z 2021 hoda Kryvašejeŭ žyvie ŭ ZŠA.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Kamientary