Padletak na samakacie źbiŭ žančynu. Baćki vypłacili joj šalonyja hrošy za škodu
Vypadak zdaryŭsia ŭ Hancavičach u sakaviku.
14‑hadovy padletak na elektrasamakacie nie spraviŭsia z kiravańniem i najechaŭ na žančynu, u vyniku čaho jana atrymała traŭmy. Jana źviarnułasia ŭ sud z patrabavańniem kampiensacyi materyjalnaj i maralnaj škody. Ciapier stała viadoma pra rašeńnie suda pa hetaj spravie, piša Onliner.by.
Vyśvietliłasia, što žančynie byli pryčynieny «mienš ciažkija cialesnyja paškodžańni pa prykmiecie «doŭhačasovy razład zdaroŭja na termin nie bolš za čatyry miesiacy», z-za traŭmy z krasavika pa červień 2025 hoda jana nie pracavała.
Straciŭšy zarobak, była vymušanaja źviarnucca pa materyjalnuju dapamohu da stareńkaj maci dla nabyćcia miedycynskich preparataŭ i apłaty kamunalnych pasłuh.
Akramia taho, praciahły pieryjad času paciarpiełaja nie mahła pierasoŭvacca samastojna, była vymušanaja karystacca mylicami, a taksama prymać miedycynskija preparaty. Ahulnyja vydatki na lačeńnie skłali 714,09 rubla, jašče 360 rubloŭ abyšoŭsia ramont telefona, paškodžanaha padčas padzieńnia.
U zaviadzieńni kryminalnaj spravy ŭ dačynieńni da niepaŭnaletniaha samakatčyka było admoŭlena ŭ suviazi ź niedasiahnieńniem uzrostu kryminalnaj adkaznaści (16 hadoŭ). Ale žančyna padała pazoŭ ab spahnańni z chłopca i jaho zakonnych pradstaŭnikoŭ — baćkoŭ — materyjalnaj škody i hrašovaj kampiensacyi maralnaj škody, pryčynienaj škodaj zdaroŭju, pamieram 8000 rubloŭ.
Adkazčyki zajaŭleny pazoŭ pryznali častkova, spasyłajučysia na składanaje materyjalnaje stanovišča. U vyniku sud vyrašyŭ spahnać ź niepaŭnaletniaha i jaho zakonnych pradstaŭnikoŭ kampiensacyju maralnaj škody 6000 rubloŭ, vydatki na lačeńnie (714,09 rubla), pakryćcio koštu pryčynienaj škody (360 rubloŭ), a taksama padatkovyja vydatki.
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary