Handlovy centr «Biełaruś» u centry Viciebska, u jakim u kancy minułaha hoda byŭ mocny pažar, budzie adnoŭleny i pieraŭtvorany ŭ sučasny kulturna-dziełavy centr z raznastajnymi zonami adpačynku i zabaŭ. Pra heta paviedamiŭ staršynia Viciebskaha harvykankama Alaksiej Hierojeŭ, piša miascovaje vydańnie «Vićbičy».
Pavodle infarmacyi kiraŭnika Viciebska, ułaśnik HC «Biełaruś» PUP «MiehaJeŭrateks» pradstaviŭ prajekt novaha centra, jaki budzie adroźnivacca ad papiaredniaha jak u architekturnym płanie, tak i pa źmieście.
Novy budynak budzie pryhožym i sučasnym, z eskałatarami i azdableńniem sučasnymi materyjałami. Płanujecca adnavić kinazału, stvaryć fudkort i vydzielić pavierch pad dziciačyja zabavy.
Handlovaja funkcyja taksama zastaniecca, adnak mahaziny buduć vialikich farmataŭ, a nie maleńkija «kletki», jak raniej.
Budynak budzie šmatuzroŭnievym: da jaho prybudujuć piacipaviarchovy korpus pad hatel. Zajezd u hatel płanujecca z boku mosta Błachina. Horad hatovy pry nieabchodnaści vydzielić dla realizacyi prajekta dadatkovuju ziamlu, ale pakul ułaśnik choča abmiežavacca miežami najaŭnaj placoŭki.
Vialiki pažar u HC «Biełaruś» zdaryŭsia 13 śniežnia 2024 hoda. Tady zahareŭsia pieršy pavierch budynka. U vyniku evakuavali 215 čałaviek, a dla likvidacyi pažaru byli zadziejničanyja 21 adzinka techniki i 90 supracoŭnikaŭ MNS. Ahniom byli achoplenyja prykładna 2000 kvadratnych mietraŭ, a likvidavać jaho ŭdałosia tolki kala 21:00 paśla bolš čym čatyroch hadzin pracy.
U vyniku zdareńnia paciarpieli 20 čałaviek. Papiaredniaje rasśledavańnie vyjaviła šmat parušeńniaŭ pravił pažarnaj biaśpieki. Byli znojdzieny prablemy ŭ elektrasietkach, niezakonnyja pierapłaniroŭki kram i šerah inšych niedachopaŭ.
Za «ekstremizm» buduć sudzić uładalnika handlovaha centra, jaki zhareŭ u Viciebsku
Na miescy zharełaha handlovaha centra ŭ Viciebsku mohuć znoŭ pabudavać kinateatr
Šmat draŭlanych kanstrukcyj. Čamu ŭskładniałasia tušeńnie pažaru ŭ HC «Biełaruś» u Viciebsku
«Hrabuć vazkami». U Viciebsku pradprymalniki sa zharełaha handlovaha centra pradajuć vyratavany tavar na vulicy
Z balnicy vypisali apošniuju paciarpiełuju ad pažaru ŭ viciebskim HC. Joj daviałosia nanova vučycca dychać
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?1
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1717
Kamientary