Гандлёвы цэнтр «Беларусь» у цэнтры Віцебска, у якім у канцы мінулага года быў моцны пажар, будзе адноўлены і пераўтвораны ў сучасны культурна-дзелавы цэнтр з разнастайнымі зонамі адпачынку і забаў. Пра гэта паведаміў старшыня Віцебскага гарвыканкама Аляксей Героеў, піша мясцовае выданне «Віцьбічы».
Паводле інфармацыі кіраўніка Віцебска, уласнік ГЦ «Беларусь» ПУП «МегаЕўратэкс» прадставіў праект новага цэнтра, які будзе адрознівацца ад папярэдняга як у архітэктурным плане, так і па змесце.
Новы будынак будзе прыгожым і сучасным, з эскалатарамі і аздабленнем сучаснымі матэрыяламі. Плануецца аднавіць кіназалу, стварыць фудкорт і выдзеліць паверх пад дзіцячыя забавы.
Гандлёвая функцыя таксама застанецца, аднак магазіны будуць вялікіх фарматаў, а не маленькія «клеткі», як раней.
Будынак будзе шматузроўневым: да яго прыбудуюць пяціпавярховы корпус пад гатэль. Заезд у гатэль плануецца з боку моста Блахіна. Горад гатовы пры неабходнасці выдзеліць для рэалізацыі праекта дадатковую зямлю, але пакуль уласнік хоча абмежавацца межамі наяўнай пляцоўкі.
Вялікі пажар у ГЦ «Беларусь» здарыўся 13 снежня 2024 года. Тады загарэўся першы паверх будынка. У выніку эвакуавалі 215 чалавек, а для ліквідацыі пажару былі задзейнічаныя 21 адзінка тэхнікі і 90 супрацоўнікаў МНС. Агнём былі ахопленыя прыкладна 2000 квадратных метраў, а ліквідаваць яго ўдалося толькі каля 21:00 пасля больш чым чатырох гадзін працы.
У выніку здарэння пацярпелі 20 чалавек. Папярэдняе расследаванне выявіла шмат парушэнняў правіл пажарнай бяспекі. Былі знойдзены праблемы ў электрасетках, незаконныя перапланіроўкі крам і шэраг іншых недахопаў.
За «экстрэмізм» будуць судзіць уладальніка гандлёвага цэнтра, які згарэў у Віцебску
На месцы згарэлага гандлёвага цэнтра ў Віцебску могуць зноў пабудаваць кінатэатр
Шмат драўляных канструкцый. Чаму ўскладнялася тушэнне пажару ў ГЦ «Беларусь» у Віцебску
«Грабуць вазкамі». У Віцебску прадпрымальнікі са згарэлага гандлёвага цэнтра прадаюць выратаваны тавар на вуліцы
З бальніцы выпісалі апошнюю пацярпелую ад пажару ў віцебскім ГЦ. Ёй давялося нанова вучыцца дыхаць
Цяпер чытаюць
Дзмітрый Семчанка: Я прыйшоў у пул Лукашэнкі біцца з Расіяй30
Каментары