З бальніцы выпісалі апошнюю пацярпелую ад пажару ў віцебскім ГЦ. Ёй давялося нанова вучыцца дыхаць
Жанчына знаходзілася на чацвёртым паверсе ГЦ «Беларусь», калі пачаўся пажар.
Таццяна Казека спрабавала самастойна пакінуць палаючы гандлёвы цэнтр, але ёй не хапіла літаральна пяці хвілін: калі яна паспрабавала спусціцца з чацвёртага паверха, полымя ўжо бушавала.
Таццяну з будынка эвакуявалі ратавальнікі. Аднак гарачыня і дым нанеслі сур'ёзнае пашкоджанне лёгкім. З апёкамі Таццяна спачатку трапіла ў Віцебскую абласную бальніцу. Медыкі двойчы ўводзілі рэчыва, якое раскрывае лёгкія. Для завяршэння тэрапіі пацыентку пасля стабілізацыі ў спецыяльным рэанімабілі даставілі ў апёкавае аддзяленне Мінскай бальніцы хуткай медычнай дапамогі, паведамляе СТБ.
«Змагаліся на працягу тыдня за яе жыццё. Яна была няпростай пацыенткай, таму што такія пашкоджаныя лёгкія вельмі хутка падхопліваюць інфекцыю, натуральным чынам развіваецца пнеўманія. І стан працягваў ацэньвацца як цяжкі, нестабільны. Яна апрытомнела, яна навучылася нанова дыхаць. Мы прыбралі ўсе трубачкі, яна ходзіць. Яна нанова асэнсоўвае сваё жыццё», — распавяла галоўная ўрач БХМД Вольга Святліцкая.
Зараз пацыентка адчувае сябе добра, лекары прагназуюць, што Таццяна хутка поўнасцю акрыяе. Тэрапію жанчына працягне ў рэабілітацыйным цэнтры ў Аксакаўшчыне.
У выніку моцнага пажару ў ГЦ «Беларусь» у Віцебску 13 снежня пацярпелі 20 чалавек. Полымя нанесла сур'ёзную шкоду будынку гандлёвага цэнтра. Яго плануюць знесці.
«Гэтая крама — мой адзіны бізнэс». Што гавораць работнікі гандлёвага цэнтра, які на тым тыдні згарэў у Віцебску
Назва ад кінатэатра, выгляд ад аўтара віцебскай піраміды, на верхнім паверсе — дзеці. Што вядома пра гандлёвы цэнтр, які гарэў у Віцебску
У бальніцах Віцебска застаюцца дзевяць пацярпелых пры пажары ў ГЦ «Беларусь»
Сярод затрыманых па справе пажару ў віцебскім гандлёвым цэнтры, верагодна, ягоны ўладальнік
Затрымалі падазраваных у парушэнні пажарнай бяспекі ў ГЦ «Беларусь» у Віцебску
ГЦ «Беларусь» у Віцебску, дзе быў моцны пажар, падумваюць знесці
Як выглядае ўнутры гандлёвы цэнтр у Віцебску пасля пажару ФОТЫ
«Некаторыя віцябляне паводзілі сябе вельмі годна». Сведкі пажару ў гандлёвым цэнтры падзяліліся ўражаннямі
Каментары