Źjavilisia vyniki apytańnia pra staŭleńnie biełarusaŭ da vajny Rasii z Ukrainaj
Pavodle źviestak sacyjałahičnaha apytańnia, praviedzienaha mižnarodnaj ekśpiertnaj sietkaj iSANS sioleta ŭ vieraśni, 69% biełarusaŭ vystupajuć za pačatak mirnych pieramoŭ pamiž Rasijaj i Ukrainaj i zakančeńnie vajny, paviedamlaje «Radyjo Svaboda». Za praciah vajny — tolki 9%.
Pry hetym ź minułaha hoda na 3% źmienšyłasia kolkaść tych, chto nie padtrymlivaje dziejańni rasijskich vojskaŭ va Ukrainie. Biełarusaŭ z takoj pazicyjaj ciapier 34%, a tych, chto dziejańni rasijskich vajskoŭcaŭ padtrymlivaje, — 27% (letaś było 26%).
Astatnija 39% nie dali peŭnaha adkazu na hetaje pytańnie, što, na dumku sacyjołahaŭ, śviedčyć pra adčužanaje staŭleńnie hetaj častki hramadstva da vajny va Ukrainie.
Dla paraŭnańnia, u Rasii padtrymlivajuć dziejańni rasijskich vojskaŭ 78% (15% nie padtrymlivajuć). Za mirnyja pieramovy vystupajuć 66% rasijan. Za praciah vajny — 27%, pavodle apytańnia «Levada-centra».
iSANS — mižnarodnaja inicyjatyva ekśpiertaŭ z roznych krain, nakiravanaja na vyjaŭleńnie, analiz i supraćdziejańnie hibrydnym pahrozam demakratyi, viaršenstvu zakona i suvierenitetu krain Zachodniaj, Centralnaj, Uschodniaj Jeŭropy i Jeŭrazii. Zasnavanaja ŭ 2018 hodzie.
Ciapier čytajuć
«Kali ŭžo siudy prylacić ukrainskaja rakieta!» Vyzvaleny žurnalist Jaŭhien Mierkis raskazaŭ pra škłoŭskuju kałoniju4
Kamientary
Vsie eti oprosy v totalitarnych obŝiestvach hroša łomanoho nie stojat.
Poka čto eto čto-to tipa "Ja chudožnik (sociołoh) - ja tak vižu".
Jeśli okažietsia, čto eto był opros po stacionarnym tielefonam v RB - ja łopnu ot śmiecha...:)))
Pra kulturna-mientalnuju zaležnaść da rasiejskaha nie kažučy.