Kanapackaja patłumačyła, što aznačaje jaje paručalnictva za Pačobuta
Eks-kandydatka ŭ prezidenty ŭ svaim instahramie apublikavała iraničny post z tłumačeńniem taho, jak jana asabista moža paŭdzielničać u vyzvaleńni žurnalista Andžeja Pačobuta. Jana prapanuje pamianiać jaho na Paŭła Łatušku.
«Što datyčycca majho asabistaha paručalnictva: u adpaviednaści z ukazam prezidenta da chadajnictvaŭ ab pamiłavańni asudžanymi mohuć być dałučanyja asabistyja paručalnictvy, jakija zaklučajucca ŭ pryniaćci na siabie asobami, što zasłuhoŭvajuć davieru, piśmovaha abaviazacielstva pra toje, što asudžany ŭ vypadku prymianieńnia da jaho pamiłavańnia ŭ vyhladzie vyzvaleńnia całkam abo častkova ad adbyvańnia jak asnoŭnaha, tak i dadatkovaha pakarańnia, zamieny pakarańnia abo jaho nieadbytaj častki bolš miakkim, vyzvaleńnia ad pakarańnia ŭmoŭna — znachodziačysia na svabodzie, nie ździejśnić novaje naŭmysnaje złačynstva na praciahu nieadbytaj častki pakarańnia. Biełaruskaje zakanadaŭstva praduhledžvaje takuju mahčymaść», — napisała jana.
«Alternatyŭnym krokam, adnosna pamiłavańnia Andžeja rašeńniem Łukašenki, ja chaču prapanavać polskamu boku razhledzieć pytańnie abmienu Andžeja Pačobuta na taho, chto znachodzicca pad kryminalnym pieraśledam, Paŭła Łatušku», — napeŭna, pažartavała Kanapackaja.
Jana dadała, što paśladoŭna i niepublična zajmajecca pytańniem Andžeja Pačobuta i ŭsiebakova padtrymlivaje toje, što robić Anžalika Borys.
Učora Rzeczpospolita sa spasyłkaj na krynicu ŭ polskim uradzie paviedamiła, što vyzvaleńnie Andžeja Pačobuta i stabilizacyja situacyi na miažy pryviaduć da adkryćcia novych, raniej zakrytych pahraničnych pierachodaŭ na miažy Biełarusi i Polščy, a Kanapackaja prapanavała stać paručycielem.
Kamientary