Pavieł Duraŭ apublikavaŭ depresiŭna-piesimistyčny prahnoz na budučyniu
«Mnie spaŭniajecca 41, ale ja nie adčuvaju žadańnia śviatkavać», — napisaŭ zasnavalnik Telegram u svaim akaŭncie, što maje 10 miljonaŭ padpisčykaŭ, i tłumačyć čamu. Duraŭ narakaje na krainy Zachadu, ale nie zhadvaje pra Kitaj, Rasiju i Biełaruś
«Naša pakaleńnie hublaje čas, kab uratavać svabodny internet, stvorany dla nas našymi baćkami. Toje, što kaliści było abiacańniem svabodnaha abmienu infarmacyjaj, pieratvarajecca ŭ najvyšejšy instrumient kantrolu, — zaznačaje jon i śledam pieraličaje vypadki ŭ volnym śviecie.
«Kali svabodnyja krainy ŭvodziać dystapičnyja miery, takija jak ličbavyja identyfikatary (Vialikabrytanija), anłajn pravierki ŭzrostu (Aŭstralija) i masavaje skanavańnie pryvatnych paviedamleńniaŭ (ES). Hiermanija pieraśleduje ŭsich, chto aśmielvajecca krytykavać čynoŭnikaŭ u internecie. Vialikabrytanija źniavolvaje tysiačy za ich tvity. Francyja kryminalna rasśleduje technałahičnych lidaraŭ, što abaraniajuć svabodu i pryvatnaść».
Duraŭ miarkuje, što ciomny śviet chutka nabližajecca — pakul my śpim, tamu jaho pakaleńniu heta pahražaje ŭvajści ŭ historyju jak apošniamu, što mieła svabody — i dazvoliła ich adabrać.
«Nam kazali chłuśniu. Nas prymusili pavieryć, što hałoŭnaja baraćba našaha pakaleńnia — źniščyć usio, što pakinuli nam prodki: tradycyi, pryvatnaść, suvierenitet, volny rynak i svabodu słova.
Pradaŭšy spadčynu prodkaŭ, my stali na šlach samaźniščeńnia — maralnaha, intelektualnaha, ekanamičnaha i, u vyniku, bijałahičnaha. Dyk nie, ja nie budu siońnia śviatkavać. U mianie zakančvajecca čas. U nas zakančvajecca čas», — reziumuje Pavieł Duraŭ.
Źviartaje ŭvahu, što Duraŭ narakaje na patencyjnyja miery krain Zachadu, skiravanyja na baraćbu sa złačynnaściu anłajn, ale nie zhadvaje pra Kitaj, Rasiju i Biełaruś, dzie svaboda słova ŭžo tatalna abmiežavanaja, a tysiačy resursaŭ zabłakavanyja.
Ciapier čytajuć
Aryštavali pradstaŭnikoŭ kampanii Bayer u Biełarusi10
Aryštavali pradstaŭnikoŭ kampanii Bayer u Biełarusi
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary