Biełarusam, jakija pryjeduć u Rasiju, buduć na pieršyja sutki adklučać internet
Biełarusy, jakija vyjazdžajuć u Rasiju, sutyknucca z časovym adklučeńniem mabilnaha internetu i SMS u roŭminhu. Pra heta 6 kastryčnika 2025 hoda paviedamili ŭsie try biełaruskija apieratary — A1, MTS i life:).
Jak paviedamlajecca, rasijskija mabilnyja apieratary pa patrabavańni dziaržaŭnych orhanaŭ pačali błakavać zamiežnyja SIM-kartki na 24 hadziny paśla ich rehistracyi ŭ sietcy. Pad zabaronu traplajuć pasłuhi pieradačy danych — internet i SMS, hałasavyja zvanki pakul zastajucca dastupnymi.
Praz sutki znachodžańnia ŭ Rasii błakiroŭka zdymajecca, adnak kali SIM-kartka paśla taho nie budzie vykarystoŭvacca try dni, to pracedura paŭtorycca — jaje znoŭ adklučać na 24 hadziny.
Apieratar A1 adznačyŭ, što nie byŭ zahadzia papiaredžany pra hetyja novaŭviadzieńni i raić svaim klijentam, kali mahčyma, skarystacca dla vychadu ŭ internet Wi-Fi-sietkami.
Adnak, pavodle paviedamleńnia rasijskaha Telegram-kanała Mobile-Review.com, karystalniki mohuć sutyknucca z prablemami pry aŭtaryzacyi i ŭ Wi-Fi-sietkach, bo ŭ Rasii dla hetaha časta vykarystoŭvajucca aŭtamatyčnyja telefonnyja zvanki (robaty), jakija ciapier taksama mohuć być zabłakavanyja.
Ideju ŭvieści taki «pieryjad astudžeńnia» dla zamiežnych SIM-kartak u žniŭni hetaha hoda vykazvaŭ ministr ličbavaha raźvićcia, suviazi i masavych kamunikacyj Rasii Maksut Šadajeŭ. Jon zajaviŭ, što heta miera patrebnaja «dla baraćby z SIM-kartami, jakija vykarystoŭvajucca ŭ dronach».
Ciapier čytajuć
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama2828
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama28
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2727
Kamientary