Jaho vystupleńnie łamaje stereatyp, što paezija — heta pra niešta sumnaje i zališnie surjoznaje.
Paet Vital Ryžkoŭ vypraŭlajecca ŭ jeŭrapiejski tur sa svaim paetyčnym stendapam «Prezientacyja».
Vilnia (2 kastryčnika), Koŭna (4 kastryčnika) i Kłajpieda (6 kastryčnika) — heta pieršyja harady, dzie adbudziecca monaśpiektakl. Dalej buduć Biełastok, Limasoł i Varšava.
Paezija i historyi «Prezientacyi» Vitala Ryžkova — strakaty śviet pošukaŭ pryhažości i spraviadlivaści va ŭsim tym, što atačaje siońnia kožnaha.
Vital sfarmavaŭ ułasny paznavalny styl, a zaraz jon abharnuŭ jaho ŭ svojeasablivy «paetyčny stendap».
Heta nie prosta čytańnie vieršaŭ, a sapraŭdnaje šou, dzie paet złučaje litaraturnuju tvorčaść z elemientami humaru, asabistymi historyjami i niepasrednym dyjałoham z publikaj. Takim čynam jon łamaje stereatyp, što razmova pra paeziju — heta pra niešta sumnaje i zališnie surjoznaje.
Kvitki i rehistracyja — pa spasyłcy. U niekatorych haradach uvachod volny.
Za svaju tvorčaść Vital Ryžkoŭ atrymaŭ šerah prestyžnych litaraturnych uznaharod i ličycca adnym ź viadučych hałasoŭ svajho pakaleńnia. Jahonyja vieršy ŭ svajoj tvorčaści vykarystoŭvajuć takija znakamityja artysty jak Źmicier Vajciuškievič, Lear, Nizkiz i Dziecuki. Paet maje ŭłasny muzyčny rep-prajekt ANGST, udzielnik rep-hurta Belaroots.
Na mapie budučych vystupaŭ Vitala Ryžkova harady Polščy, Hiermanii, Čechii, Aŭstryi, Niderłandaŭ, Estonii, Šviecyi, Narviehii i Danii. Sačyć za abnaŭleńniami možna tut.
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka5
Kamientary