Naŭrocki padpisaŭ zakon ab dapamozie ŭkraincam, što zakranaje i biełarusaŭ
26 vieraśnia prezident Polščy Karal Naŭrocki padpisaŭ zakon, jaki rehuluje dapamohu dla ŭkraincaŭ, ale zakranaje i inšych inšaziemcaŭ, u tym liku biełarusaŭ. Asnoŭnaje źmianieńnie datyčycca vypłat na dziaciej pa prahramie «Siamja 800+», piša «Biełsat».
Raniej dapamohu mahli atrymlivać usie inšaziemcy z zakonnym statusam u Polščy, navat kali jany nie mieli pracy. Ciapier ža jaje nie daduć tym baćkam, chto nie pracuje (za vyklučeńniem ludziej ź invalidnaściu). Kab mieć prava na vypłatu, treba atrymlivać nie mienš za pałovu minimalnaj zarpłaty, heta kala 2333 złotych (kala 627 dalaraŭ).
Nie ŭsie vidy pracoŭnych damovaŭ buduć ličycca padstavaj dla vypłaty. Naprykład, damova padradu (o dzieło) nie padychodzić, bo ź jaje nie robiacca adličeńni ŭ sacyjalnaje strachavańnie. Ale kali inšaziemiec płacić hetyja ŭnioski praź inšyja kantrakty i adpaviadaje patrabavańniam, jon moža atrymać dapamohu.
Siamja inšaziemcaŭ maje prava na «800+», kali chacia b adzin z baćkoŭ aficyjna pracuje. Pravierku hetaha budzie ažyćciaŭlać polski fond sacyjalnaha strachavańnia (ZUS).
Ułady tłumačać, što novyja praviły spyniać vypadki, kali ŭkraincy atrymlivali hrošy, nie žyvučy i nie pracujučy ŭ Polščy. Pavodle ŭrada, heta dazvolić aščadzić kala 270 miljonaŭ złotych (kala 74 miljonaŭ dalaraŭ) u 2026 hodzie.
Akramia taho, zakon padaŭžaje dla ŭkraincaŭ admysłovy status, jaki dazvalaje im zakonna zastavacca ŭ Polščy, da 4 sakavika 2026 hoda. Pry hetym adznačajecca, što heta apošniaje padaŭžeńnie.
Naŭrocki taksama anansavaŭ novyja inicyjatyvy — adzin zakonaprajekt budzie tyčycca spraščeńnia atrymańnia polskaha hramadzianstva, a druhi — zabarony «banderaŭskaj ideałohii».
Cichanoŭskaja ŭ Ńju-Jorku parazmaŭlała z Karalem Naŭrockim VIDEA
Naŭrocki: Rasija stavicca da cełych nacyj jak da svajoj kałanijalnaj ułasnaści
Naŭrocki ŭ AAN nazvaŭ situacyju z pravami čałavieka ŭ Biełarusi pryjarytetam Polščy
Ukrainski žurnalist nazvaŭ Naŭrockaha «pachanom». Jaho zvolnili z polskaha ŚMI, a kancylaryja prezidenta zaklikała pierapisać Kanstytucyju
Prezident Polščy nakłaŭ vieta na papraŭku da zakona ab dapamozie hramadzianam Ukrainy
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy13
Kamientary