Piać hadoŭ tamu zatrymali Maryju Kaleśnikavu. Voś jak u 2020-m jana vychodziła z domu ŭ dzień vybaraŭ FOTY
Kiraŭnicu štaba Viktara Babaryki siłaviki schapili ranicaj 7 vieraśnia 2020 hoda ŭ Minsku i pasprabavali prymusova vydvaryć ź Biełarusi.
Adnak Maryja na miažy z Ukrainaj parvała svoj pašpart, vylezła praz akno aŭtamabila (ź joj vieźli tady Antona Radniankova i Ivana Kraŭcova) i viarnułasia na terytoryju Biełarusi. Tam jaje znoŭ zatrymali.
Štab Babaryki padzialiŭsia fota, jak Maryja źbirałasia ŭ dzień vybaraŭ 9 žniŭnia 2020. Na stale ŭ jaje lažali listy ad Śledčaha kamiteta i Viktara Babaryki, jakoha na toj momant užo zatrymali.
U vieraśni 2021 hoda Maryju asudzili na 11 hadoŭ źniavoleńnia. Kaleśnikava adbyvaje pakarańnie ŭ homielskaj žanočaj kałonii. U listapadzie 2022 hoda Maryju špitalizavali ź pierytanitam z-za prabadnoj jazvy i zrabili apieracyju.
Ź lutaha 2023 hoda Maryja była ŭ režymie inkamunikada, ad jaje nie prychodziła listoŭ navat rodnym. Tolki ŭ listapadzie 2024 hoda da Kaleśnikavaj u kałoniju puścili na spatkańnie baćku — supravadžaŭ jaho Raman Pratasievič.
Adnak paśla hetaj sustrečy listavańnie z Kaleśnikavaj jak śled nie adnaviłasia. Pa słovach Taćciany Chomič, byŭ tolki adzin karotki list spačatku hoda.
Byłaja palitźniavolenaja Natalla Dulina, jakaja taksama siadzieła ŭ homielskaj kałonii, raskazvała pra zdaroŭje Kaleśnikavaj:
«Mašu ž i ŭ sančastku ciahali, i sprabavali pryvieści ŭ paradak — pierad sustrečaj z baćkam jana była na ŭzmocnienym charčavańni, jak Siarhiej Cichanoŭski. Paśla taho, jak jeŭrapiejcy ci inšyja siły zapatrabavali jaje pakazać. Jaje da hetaha padrychtavali».
Dulina dzialiłasia, što Kaleśnikava zastałasia niazłomnaj.
«U Kaleśnikavaj vielmi ćviordaja pazicyja. Jana nie toje što nie źbirajecca pisać prašeńnie ab pamiłavańni, ale kaža, što nie źbirajecca vychodzić, pakul nie vyjdzie apošni z palitviaźniaŭ».
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ10
Kamientary
Tady nichto nie viedaŭ, što budzie. Situacyja była niestabilnaja, na jaje šmat upłyvali publičnyja mierkavańni i ŭčynki.
Ułady tady časova ličyli, što departacyi vyniesuć lidaraŭ za miežy krainy i paspryjajuć stabilizacyi, pry hetym pakinuć prastor dla šmatviektarnych hulniaŭ z Zachadam. (Zaraz, darečy, lohki vodhuk toj taktycy).
Jany i doŭha nie viedali, jak reahavać na ŭčynak Maryi.
Miarkuju, jana dziejničała nasupierak: raz jaje najaŭnaść u Biełarusi nie zadavalniaje ŭłady, značyć, treba być tut, suprać "stabilizacyi" (ŭ terminach ułady) i dla pieramohi (ŭ našych terminach). I ŭsie ryzyki, viadoma, ŭśviedamlała.