U suviazi z praviadzieńniem Minskaha paŭmarafona siońnia 6 vieraśnia viečaram i zaŭtra 7 vieraśnia dniom ruch pa častcy vulic u centry Minska budzie pierakryty. Hrafik pierakryćcia raniej apublikavaŭ Minahrvykankam.
Tak, z 16:00 u subotu i da 17:00 niadzieli budzie ŭviedzieny časovy zabarona na ruch transpartu pa vulicy Kirava ad vulicy Kamsamolskaj da vulicy Śviardłova.
U niadzielu z 07:00 da 13:00 zakryjuć ruch transpartu pa praśpiekcie Niezaležnaści ad vulicy Janki Kupały da płoščy Pieramohi, uklučajučy samu raźviazku na kruhłaj płoščy.
Akramia taho, u hety čas nielha budzie prajechać pa vulicy Kisialova ad vulicy Čyrvonaj da płoščy Pieramohi, miascovym prajezdam praśpiekta Niezaležnaści, častcy vulic Kamunistyčnaj, Kujbyšava, Janki Kupały, Staražoŭskaj, praśpiekcie Mašerava ad vulicy Staražoŭskaj da praśpiekta Pieramožcaŭ, pa praśpiekcie Pieramožcaŭ ad vulicy Arłoŭskaj da vulicy Lenina i pa samoj vulicy Lenina ad praśpiekta Pieramožcaŭ da vulicy Internacyjanalnaj.
Roznyja ŭčastki vulic Lenina, Janki Kupały i Internacyjanalnaj buduć pierakryty da 14 hadzin, praśpiekta Niezaležnaści — da 15 hadzin, vulic Śviardłova i Uljanaŭskaj — da 16 hadzin, vulicy Kirava — da 17 hadzin.
Raniej u Minsportu raskazali, što sioleta dla ŭdziełu ŭ Minskim paŭmarafonie zarehistravalisia bolš za 25 tys. čałaviek z 11 krain. U viedamstvie taksama nazvali sumy pryzavych dla pieramožcaŭ spabornictvaŭ.
Ciapier čytajuć
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ77
Kamientary