Prezident ZŠA Donald Tramp u niadzielu zrabiŭ apošniaje papiaredžańnie CHAMAS, zaklikaŭšy paleścinskuju hrupoŭku pryniać amierykanskija ŭmovy pa mirnym pahadnieńni ŭ Hazie, piša Bi-bi-si.
«Usie chočuć, kab zakładniki viarnulisia dadomu. Usie chočuć, kab hetaja vajna skončyłasia! Izrailcianie pryniali maje ŭmovy. Para i CHAMAS ich pryniać. Ja papiaredžvaŭ CHAMAS pra nastupstvy admovy. Heta majo apošniaje papiaredžańnie, inšaha nie budzie!», — napisaŭ Tramp u svajoj sacsietcy Truth Social.
Heta ŭžo nie pieršaje apošniaje papiaredžańnie Trampa, ź jakim jon źviartajecca da CHAMAS. U sakaviku prezident ZŠA patrabavaŭ ad hrupoŭki nieadkładna vyzvalić usich zakładnikaŭ, jakich utrymlivajuć u siektary Haza, a taksama pakinuć terytoryju ankłava.
«Heta vaša apošniaje papiaredžańnie! Što datyčycca kiraŭnictva [CHAMAS], ciapier samy čas pakinuć Hazu, pakul u vas jašče jość šaniec. Taksama źviartajusia da žycharoŭ Hazy: vas čakaje cudoŭnaja budučynia, ale nie ŭ tym vypadku, kali vy budziecie ŭtrymlivać zakładnikaŭ. Kali vy heta zrobicie — vy pamrecie», — papiaredžvaŭ Tramp paŭhoda tamu.
Kamientary
Heta ž buduć miratvorčyja humanitarnyja bambiožki.
Dy j bambić budzie izrail, a tramp tolki bomby padavać.