Biełarusy ŭ sacsietkach chvalacca chatnimi ŭradžajami kavunoŭ FOTY
U tyktoku papularnaść nabraŭ videarolik, dzie biełaruskaja siamja ź nieciarpieńniem razrazaje svoj pieršy vyraščany ŭłasnymi rukami kavun. Adnak zamiest sakavitaha čyrvonaha płodu jany ŭbačyli bledna-ružovuju, niby niedaśpiełuju miakać. Ale nie va ŭsich vyniki takija, piša Telegraf.news.
Aŭtarka rolika z zasmučeńniem zaŭvažyła: «Voś heta kryŭdna. Rana sarvała, blin!»
Pad videa, jakoje supravadžałasia podpisam «Niama słoŭ», karystalniki pakinuli sotni kamientaryjaŭ. Častka ź ich zasumniavałasia ŭ zajaŭlenaj vazie kavuna ŭ 15 kiłahramaŭ, inšyja ž pačali davać parady — naprykład, zryvać kavun tolki tady, kali jaho chvościk całkam zasochnie.
Niekatoryja ž zajavili, što ŭ Biełarusi niemahčyma vyraścić sałodkija kavuny z-za niedachopu sonca. Ale inšyja kamientatary adrazu padzialilisia fotazdymkami svajho ŭradžaju i dakazali advarotnaje.
Naprykład, žychar Homielskaj vobłaści napisaŭ: «My piaty hod vyroščvajem. Vialikija nie rastuć, ale sałodkija vielmi».
Kavuny, bujaki i «Karaleva Hanna» pa rublu za kiło. Dzie tańniej kupić harodninu i jahady?
Adnym pierad susiedziami soramna, druhija radujucca kavunam pamieram ź piersik. Biełarusy pakazvajuć uradžaj
«Lezuć, rodnieńkija!» Ź pieršych dzion vosieni ŭ biełaruskich lasach pajšli apieńki
«Hiektar prynosić kala $20 000». Bujakovy fiermier raskazaŭ, jak možna zarabić na jahadach u Biełarusi
«Pačym šklanka bulby?» U siecivie praź ślozy śmiajucca z uradžaju
Kamientary