Admoŭnaje salda zamiežnaha handlu pieravysiła 900 miljonaŭ dalaraŭ
Źniešni handlovy abarot tavaraŭ i pasłuh Biełarusi za pieršaje paŭhodździe skłaŭ bolš za $48,6 młrd.
Heta prykładna na $1 młrd bolš, čym hod tamu. Ale, jak vynikaje z statystyki Nacbanka, u adroźnieńnie ad minułaha hoda, u 2025-m biełaruski źniešni handal pracuje ź minusam, piša Office Life.
Admoŭnaje salda pa tavarach i pasłuhach za studzień — červień skłała minus $928,2 młn. Tempy jaho rostu znoŭ paskorylisia (minus $809 młn było pa vynikach maja). Dla paraŭnańnia: za šeść miesiacaŭ 2024 hoda salda było nievialikim, ale stanoŭčym — $4,5 młn.
Prablema ŭ pieradapošnim roście impartu. Za červień biahučaha hoda ekspart tavaraŭ i pasłuh u Biełarusi vyras prykładna na $4,2 młrd, a impart — amal na $4,4 młrd.
Pry hetym pa pasłuhach źniešniaje handlovaje salda Biełarusi stabilna stanoŭčaje — bolš za $1,8 młrd za paŭhodździe. A voś pa tavarach u hetym hodzie — admoŭnaje. Raniej u Biełstacie paviedamili, što pa vynikach červienia jano pierasiahnuła minus $3 młrd.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary