Kiroŭca na zapraŭcy vyjšaŭ z mašyny praz pasažyrskija dźviery i atrymaŭ štraf. Žart nie ŭdaŭsia
Mužčyna pravioŭ dziŭnuju manipulacyju prosta pad razumnaj kamieraj. Akazałasia, rabiŭ jon heta nie prosta tak.
DAI Bresckaj vobłaści pakarała kiroŭcu, jaki na zapraŭcy vybraŭsia z mašyny praź dźviery pasažyrskaha miesca. Vyjaviłasia, mužčyna takim čynam chacieŭ pierachitryć siłavikoŭ.
Na videa sa smart-kamiery bačna, jak da kałonki padjechaŭ mikraaŭtobus. Paśla niadoŭhaj paŭzy kiroŭca pierabraŭsia na pasažyrskaje siadzieńnie i vyjšaŭ z mašyny.
DAI z dapamohaj kamier vyznačyła, što za rulom byŭ 69-hadovy biaspraŭnik. Dakumienty ŭ jaho adabrali za pjanuju jazdu, ale jon praciahvaŭ jeździć za rulom.
Vyśvietliłasia, što piensijaniera złavili za jazdoj biez pravoŭ nie ŭpieršyniu: u červieni jaho za heta ŭžo karali. Ciapier jon, jak recydyvist, atrymaŭ pavyšany štraf 840 rubloŭ.
Ciapier čytajuć
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu29
Kamientary