Na rynku ŭ rasijskim Adlery handlavali samarobnaj čačaj — jana zabiła jak minimum 10 čałaviek
Atrucilisia jak miascovyja žychary, tak i turysty.
Na rynku ŭ Adlery pad nazvaj «Bazar» žančyny pradavali chatniuju čaču. Prychilnikaŭ u napoja było šmat. Ale akazałasia, što čača była atručanaja.
Pavodle viersii śledstva, napoj zabiŭ nie mienš jak 10 čałaviek. Zahinuła amal cełaja siamja. Jak raspavioŭ miascovy žychar, siarod zahinułych jaho maci, babula i brat. Žonka brata taksama piła atručanuju čaču, ale vyžyła, jaje špitalizavali, piša Baza.
Zabiła čača i siamiejnuju paru turystaŭ z Kamsamolska-na-Amury. 35-hadovaja Darja i jaje 37-hadovy muž Maksim adpačyvali ŭ Sočy naprykancy lipienia. 27 lipienia jany sieli na ciahnik da Maskvy i ŭ darozie vypili napoj, nabyty ŭ Adlery. Žančynie stała błaha — jaje źniali ź ciahnika, špitalizavali, ale vyratavać nie zmahli.
Maksim spačatku nie adčuvaŭ nijakich simptomaŭ i admoviŭsia ad špitalizacyi, ale ŭ hateli ŭpaŭ u komu. Mužčynu nakiravali ŭ varoniežskuju balnicu i praz 9 dzion paśla śmierci žonki jon pamior. U pary zastalisia dvoje dziaciej. Pa słovach dački zahinułaj, Darja nie lubiła mocny śpirtny napoj i vypiła ŭsiaho 1-2 čarki, paśla čaho joj rezka stała błaha.
Paśla pieršaha śmiarotnaha atručvańnia čačaj u Adlery rynak, na jakim pradavaŭsia atrutny ałkahol, praciahvaŭ pracavać jašče tydzień. Tolki paśla čarhovaha atručvańnia, u vyniku jakoha zahinuli try čałavieki, na rynak pryjšła pravierka.
Siłaviki zatrymali dźviuch pradaŭščyc. Jak ličyć śledstva, jany viedali, što čača i chatniaje vino vyrableny kustarnym sposabam i mahli być niebiaśpiečnyja dla zdaroŭja.
Pry hetym u śledstva pakul niama dakładnaj kolkaści paciarpiełych ad atručanych napojaŭ. Padčas abrańnia miery strymańnia adnoj z pradaŭščyc śledčyja raspaviali pra piaciarych paciarpiełych, jakija paśla ŭžyvańnia trapili ŭ balnicy. U chodzie pracesu pa spravie inšaj žančyny śledčy zajaviŭ, što ad atručvańnia ałkaholem, pradavanym abvinavačanymi, zahinuli nie mienš za 10 čałaviek.
Ciapier čytajuć
Žyhar — Kraŭcovu: Ja tabie asabista apłaču kvitok da Minska, tam i damaŭlajsia z Łukašenkam!25
Kamientary
- NIE VIŽU !