Łatuška: U demsiłaŭ jość płan pa dniach na vypadak, kali pryjdziecca brać uładu ŭ svaje ruki
Padčas kanfierencyi «Novaja Biełaruś» pazaštatny daradca Śviatłany Cichanoŭskaj Alaksandr Milinkievič zajaviŭ, što nie pieraškadžała b demsiłam mieć płan pakrokavych dziejańniaŭ. Na toj vypadak, kali raptam «zaŭtra» daviadziecca brać uładu ŭ svaje ruki, piša «Lusterka».
— Nam treba mieć płan [na toj čas, jaki budzie] paśla Łukašenki. Biez takoha my narobim stolki pamyłak i jašče pierasvarymsia. A Pucin budzie zmahacca za Biełaruś nie mienš, čym za Ukrainu. Tamu što kali ŭ jaho «ruskim śviecie» nie budzie Biełarusi, to kaniec ruskamu śvietu kančatkova.
— Ź vialikaj pavahaj, vielmi dakładnaja zaŭvaha, — zajaviŭ kiraŭnik NAU i namieśnik kiraŭnika Abjadnanaha pierachodnaha kabinieta Pavieł Łatuška. — Užo jość płan, raśpisany pa dniach, pa dziejańniach, pa krokach, absalutna pa roznych śfierach. Navat płan zamieny čynoŭnikaŭ.
Adzin z udzielnikaŭ kanfierencyi spytaŭ u palityka, jakim čynam pra hety płan daviedajucca ludzi ź Biełarusi. I ci treba hety płan raspaŭsiudžvać.
— Kali my pravodzili abmierkavańnie i adabreńnie papiaredniaje hetaha płana tranzitu. Tranzit — heta pieryjad z momantu taho, kali niama Łukašenki va ŭładzie da pieršych demakratyčnych vybaraŭ. Było pryniata ahulnaje rašeńnie, što hety płan nie budzie mieć publičnaha charaktaru, kab nie byli zrobleny kontrdziejańni, — zajaviŭ Łatuška.
— Ja razumieju, što trymać heta ŭ tajamnicy praktyčna biessensoŭna. Ludzi pavinny razumieć, prynamsi, bazavyja ałharytmy, kroki, jakija treba budzie zrabić na ŭzroŭni demakratyčnych instytutaŭ, u cełym demsił, hramadzianskich inicyjatyŭ, što my čakajem ad našych mižnarodnych partnioraŭ, kali my budziem reahavać na ryzyku, jakaja ŭźniknie z boku Rasiejskaj Fiederacyi. Hetaje pytańnie my abmiarkoŭvali ŭžo ŭ Abjadnanym pierachodnym kabiniecie, — skazaŭ Pavieł Łatuška. — My vierniemsia da jaho paśla kanfierencyi. Chutka my apublikujem ałharytm. Sapraŭdy, hety płan rychtavali ŭ tym liku byłyja dziaržaŭnyja čynoŭniki, jakija majuć dastatkova vialiki dośvied kiravańnia na dosyć vysokich pasadach. I jany vyrazna razumiejuć, jakim čynam treba budzie vybudavać sistemu kiravańnia krainaj u samy krytyčny momant. Samy hałoŭny vyklik, jaki isnuje siońnia — heta Rasijskaja Fiederacyja.
Ciapier čytajuć
«U kapciuroch HPU». Stahodździe niebiaśpiečnaj naiŭnaści i daremnych maraŭ biełaruskaj emihracyi1
Kamientary
Dzień 2: biarem kvitki na Minsk (adkaznaja Mielnikava A.)
Dzień 3: źbirajem valizki (adkazny Stryžak A.)
Dzień 4: pad uračysty śpieŭ Volnaha Choru rušym u bok Miensku (adkaznaja Žyvahłod A.)
Dzień 5: pryjazdžajem na vakzał Miensku i prymajem klučy ad Doma Ŭradu (adkazny Karpiankoŭ M.M.)
Dzień 6: pryznačajem sabie dastojnyja pieramožcaŭ zarobki (adkazny Viačorka F.)
Dzień 7: pačynajem kiravać krainaj (adkazny kaardynatar Hajko A.)