«U banku paćvierdzili, što jany sapraŭdnyja». Biełaruska kupiła na Wildberries dalary pa niečakanym kursie
Biełaruska Maryna ź cikaŭnaści kupiła na Wildberries dziejnyja dalary. Abjava ab prodažy banknot choć i znachodziłasia ŭ raździele «maniety suvienirnyja», pradaviec zapeŭnivaŭ: jon adpraŭlaje pakupnikam sapraŭdnyja kupiury. I heta akazałasia praŭdaj, piša Myfin.by.
«Ja ŭbačyła, što na WB roznyja pradaŭcy prapanujuć kupić kupiuru ŭ dva dalary. Ja zamoviła jaje dziela cikaŭnaści. Zabrała ŭ PVZ, adniesła hrošy ŭ bank, kab pakazać ich rabotnicy abmiennaha punkta. U banku paćvierdzili, što jany sapraŭdnyja», — raskazała biełaruska.
Maryna pakazała tuju samuju abjavu, dzie havaryłasia pra prodaž sapraŭdnych dalaraŭ. U vodhukach raz-poraz praskokvajuć skarhi ŭ styli «pryjšli adnyja karcinki», pry hetym ahulnaja adznaka tavaru 4,8 bała z 5. Darečy, pradaviec prosta ŭ kartcy tavaru rekamienduje praviarać cełasnaść upakoŭki pry atrymańni.
Pradaviec adznačaje, što kaštoŭnaść banknoty ŭ tym, što jana źjaŭlajecca redkaj i nibyta prynosić pośpiech.
Dva dalary abyšlisia Marynie amal u 18 rubloŭ, heta značyć pa 9 rubloŭ za kožny — prykładna ŭ try razy daražejšyja za aficyjny kurs.
Žurnalist Myfin.by pa prykładzie čytački taksama zakazaŭ dalary na Wildberries, ale hetym razam banknotu naminałam u $2 atrymałasia kupić tolki pa bolš vysokaj canie, za 26 rubloŭ. Kupiuru adnieśli ŭ bank, kab paćvierdzić abo abvierhnuć jaje sapraŭdnaść.
Supracoŭnica banka paprasiła dać pašpart i zapłacić 1,5 rubla za pravierku sapraŭdnaści hrošaj. Taksama jana patłumačyła, što kali hetyja dalary źjaŭlajucca padrobkaj, jana vykliča milicyju.
«Banknota ŭ vydatnym stanie. Jak šaŭkovaja, pryjemna dakranucca. Jana vypuščanaja ŭ 2017 hodzie, ale joju jak byccam nie karystalisia. Zvyčajna prynosiać pakamiečanyja hrošy, a hetaja kupiura idealnaja, — ździviłasia pracaŭnica kasy. — Hetyja hrošy sapraŭdnyja».
U čym kaštoŭnaść takoj kupiury?
Pa adkaz na hetaje pytańnie Myfin.by źviarnuŭsia da numizmata. Voś taki adkaz daŭ ekśpiert Siarhiej Kołbun:
«Ja nie baču tut prykmiet niejkaj redkaści i kaštoŭnaści. U Rasii dalar nie źjaŭlajecca papularnaj valutaj, u adroźnieńnie ad Biełarusi. Mahčyma, metavaja aŭdytoryja pradaŭca — rasijanie, jakija paličać takuju banknotu niezvyčajnaj, bo nikoli jaje navat i nie bačyli.
Taksama baču ŭ abjavie paznaku «na ŭdaču». Na maju dumku, heta nie bolš čym rekłamny chod, a sama abjava nakiravanaja na niedaśviedčanaha pakupnika. Heta zvyčajnaja kupiura, jaje kaštoŭnaść adpaviadaje naminału abo na 1-2 dalary vyšej za naminał. Jaje možna nabyć u abmiennym punkcie, ale pryjdziecca vydatkavać na heta čas».
«Stracili 5% sumy i try tydni». Jak biełarusy pazbaŭlajucca ad drennaj valuty i dzie jaje prymajuć
U Baranavičach piensijanierka pryniesła mianiać dalaravuju kupiuru, daražejšuju ŭ 20 razoŭ
Minčuk paprasiŭ barystu abmianiać 250 rubloŭ — i pajšoŭ z prybytkam. Fokus trapiŭ na videa
Nieŭzabavie majuć źjavicca novyja banknoty jeŭra. Jany ŭžo vyklikali polska-francuzskija sprečki
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami21
Kamientary
[Zredahavana]
Kupiury 1976 hady, vypuščanyja da dvuchsothodździa ZŠA, zvyčajna kaštujuć kala $10, ale asobniki ź piačatkami i markami mohuć dasiahać $30.
Bolš novyja kupiury, naprykład, 2009 i 2013 hadoŭ, mohuć kaštavać usiaho niekalki dalaraŭ