Bieraściejca Daniła Palanskaha źvinavacili ŭ «zdradzie dziaržavie» i asudzili na 10 hadoŭ
Jaho zatrymali pa viartańni z Rasii. U darozie zdaryŭsia incydent z rasijskimi siłavikami.
Spravu suprać Daniła Palanskaha razhladaŭ Brescki abłasny sud. Cudovy praces raspačaŭsia ŭ siaredzinie lipienia i prachodziŭ u zakrytym režymie. Prysud prahučaŭ 25 lipienia, piša BAŽ.
U vyniku niekalkich pasiadžeńniaŭ Brescki abłasny sud pryznaŭ Daniła Palanskaha vinavatym u «zdradzie dziaržavie» (pavodle č. 1 art. 356 Kryminalnaha kodeksa RB) i pryhavaryŭ da 10 hadoŭ pazbaŭleńnia voli.
U dadatak sud pryznačyŭ spłacić na karyść dziaržavy štraf pamieram 500 bazavych vieličyń — na siońnia heta 21 000 rubloŭ. Praz «zasakrečanaść» sudovaha pracesu ułasna sutnaść abvinavačańniaŭ, vysunutych suprać Palanskaha, tak i zastajecca nieviadomaj.
Danił Palanski, jaki ŭ minułym pracavaŭ žurnalistam, a paśla dalnabojnikam, byŭ zatrymany, najvierahodniej, 19 vieraśnia 2024 hoda paśla viartańnia na radzimu z Rasii. Dakładnaja data nieviadomaja, ale paźniej ź im źnikła suviaź.
Na pačatku vieraśnia Danił Palanski jeździŭ u Rasiju da svajakoŭ. U darozie zdaryŭsia incydent z rasijskimi siłavikami. Jaho aŭtamabil spynili supracoŭniki rasijskaj FSB i paśla źvinavacili ŭ administracyjnym parušeńni za niepadparadkavańnie — nibyta jon admoviŭsia pakazvać dakumienty.
«Danił kazaŭ, što na toj momant jaho pašpart byŭ u rukach rasijskaha siłavika, tamu byŭ namierany abskardzić administracyjny štraf, — raspaviadaŭ adzin sa znajomych Palanskaha. — Paźniej, kali jon viarnuŭsia ŭ Brest, jaho zatrymali supracoŭniki KDB».
Ad pačatku mierkavałasia, što zatrymali za niejkaje administracyjnaje pravaparušeńnie. Ale praź niekalki tydniaŭ stała viadoma, što suprać žurnalista raspačali kryminalnuju spravu. Da suda jaho trymali pad vartaj u bresckim SIZA.
Daniłu Palanskamu 54 hady. U jakaści videaapieratara ŭ svoj čas supracoŭničaŭ ź dziaržaŭnymi i kamiercyjnymi telekanałami, a taksama ź niezaležnymi rehijanalnymi sajtami. U apošnija hady byŭ viadomy ŭ Breście jak vałancior pošukava-vyratavalnaha atrada «Anioł».
Jaŭhien Afnahiel raskazaŭ, što było paśla suda, dzie skandavali «Vierym, možam, pieramožam!» I nazvaŭ, chto dla jaho sapraŭdny lidar Biełarusi5
Kamientary
Dla KHB RB - śviatoje, pojti na vstrieču staršim tovariŝam, staršim bratiam iz Rośsii i posadiť očieriednoho biełarusa. KHB RB plevať na biełarusov, hłavnoje - sdiełať prijatnoje staršim tovariŝam i bratiam iz Rośsii.
Etoho žie mnienija pridierživajetsia i łukašienko, jeśli smotrieť na to, čto on tvorit s biełarusami i biełaruskim v Biełarusi.