Załužny sprahnazavaŭ, što vajna Rasii z Ukrainaj moža iści da 2034 hoda
Były hałoŭnakamandujučy USU, ciapierašni pasoł Ukrainy ŭ Vialikabrytanii Valeryj Załužny ŭ intervju vydańniu LB.ua zajaviŭ, što straty Ukrainy i Rasii na froncie ŭžo źjaŭlajucca krytyčnymi, ale vajna moža zaciahnucca da 2034 hoda.
Pa słovach Załužnaha, u śniežni 2023 hoda zaviaršyłasia tradycyjnaja vajna, u jakoj udzielničali tankavyja kałony. A z 2024-ha va Ukrainie pačaŭsia novy etap — vajna na źniasileńnie.
Jon rastłumačyŭ, što ŭ 2022 hodzie napieradzie jechali tanki, a za imi išła vialikaja kolkaść asabovaha składu. Pa słovach Załužnaha, takaja vajna ŭzoru Druhoj suśvietnaj skončyłasia ŭ śniežni 2023 hoda, i ciapier tanki i sałdaty «pamianialisia miescami».
«Ciapier linija frontu ŭ asnoŭnym pryznačanaja dla taho, kab tam zabivali. Tam abaviazkova pavinny zabivać, i čym bolš, tym lepš», — adznačyŭ jon.
Załužny taksama ahučyŭ dva faktary vajny: demahrafičny i ekanamičny.
«Ludziej sapraŭdy niama. Ni ŭ Rasii, ni va Ukrainie. Kolkaść strat zabitymi i paranienymi, jakaja prypała na nasielnictva i va Ukrainie, i ŭ Rasii, jana ŭžo, možna skazać, akazałasia krytyčnaj», — adznačaje były hałoŭnakamandujučy.
Załužny miarkuje, što pierad Rasijaj ciapier staić vybar: u 2026 hodzie ci nabirać znoŭ «miasa», ale brać novych sałdat z Sankt-Pieciarburha, Maskvy i ź inšych vialikich haradoŭ, ci niešta «dumać».
«Vychad z hetaha «tupika» — technałahičny. Ty pavinien dumać nie pra toje, što tabie treba siońnia, a što spatrebicca praz hod, dva ci try… Usio heta skončycca praz try hady. Maksimum praź piać. Nie vajna, a skončycca «znachodžańnie parytetu» pamiž siłami napadu i abarony», — skazaŭ jon.
Eks-hałoŭnakamandujučy USU dadaŭ, što Ukrainie treba pierahledzieć stratehiju abarony i padychody da mabilizacyi resursaŭ, kab nablizić zakančeńnie vajny.
Załužny dadaŭ, što pieramovy pra spynieńnie ahniu va Ukrainie biez farmiravańnia stabilnaj abarony na budučyniu pryviaduć da taho, što vajna praciahniecca jašče dziesiacihodździ. Ukrainie varta raspracoŭvać novuju zbroju i chutka avałodvać joj.
«Kali my budziem sprabavać pravieści tolki sizfajer [spynieńnie ahniu], nie sfarmavaŭšy svaju abaronu na budučyniu, to vajna budzie praciahvacca jašče oho-ho. I, pačaŭšysia ŭ 2014 hodzie, daj boh, kab jana skončyłasia ŭ 34-m», — zajaviŭ Załužny.
Załužny i Zialenski zastajucca šalona papularnymi va Ukrainie
Załužny: Heta novy typ vajny. 15 km ad linii frontu — ciapier zona sucelnaj śmierci. Avijacyja i fłot stracili svajo značeńnie
Załužny: NATA siońnia nie maje mocy. Piataha artykuła tam niama i nie budzie
Załužny: ZŠA rujnujuć suśvietny paradak, a Rasija pryjdzie pa Jeŭropu
Załužny nie staŭ adkazvać na pytańnie ab udziele ŭ prezidenckich vybarach
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy12
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1414
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?14
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary