Ministr adukacyi Andrej Ivaniec raskazaŭ pra vyniki pryjomu dakumientaŭ na biudžetnuju formu navučańnia ŭ VNU ŭ 2025 hodzie. Pavodle jaho słoŭ, kampanija prajšła vielmi aktyŭna, i płan pryjomu na biudžet vykanany amal całkam — na 99,4%.
Ciapier na niekatorych śpiecyjalnaściach prachodziać unutranyja vyprabavańni dla abituryjentaŭ, asabliva dla vypusknikoŭ kaledžaŭ. Zaličeńnie na biudžet zavieršycca da 27 lipienia.
Dva z čatyroch sielskahaspadarčych VNU całkam zapoŭnili svaje biudžetnyja miescy. Usiaho na takija ŭstanovy było vydzielena kala 2 tysiač miescaŭ, i zastałosia tolki 80 niezaniatych.
Ivaniec adznačyŭ, što paśla 27 lipienia płanujecca dadatkovy nabor u Horackuju sielhasakademiju i Viciebskuju vieterynarnuju akademiju.
Ministr taksama paviedamiŭ, što intares da ahrarnych śpiecyjalnaściaŭ u paraŭnańni ź minułym hodam značna ŭzros.
Što da piedahahičnych śpiecyjalnaściaŭ, to z čatyroch tysiač biudžetnych miescaŭ zastałosia tolki 46, i tyčacca jany fizika-matematyčnaha profilu.
Heta, jak tłumačycca, źviazana z tym, što Biełaruski dziaržaŭny ŭniviersitet pašyryŭ nabor budučych nastaŭnikaŭ — na kožnym profilnym fakultecie sfarmiravali pa dźvie hrupy vykładčykaŭ fiziki, matematyki, infarmatyki, bijałohii, chimii i hieahrafii.
Taksama sioleta ŭ biełaruskija VNU pastupiła bolš za 4 tysiačy miedalistaŭ, bolš za 1600 vydatnikaŭ kaledžaŭ i kala 250 pieramožcaŭ respublikanskich alimpijad.
Na niekatoryja śpiecyjalnaści ŭ BDU prachadny bał skłaŭ 396 i 398 bałaŭ
Biełaruska ŭ 36 hadoŭ pastupaje va ŭniviersitet na dzionnaje
Najbolšy konkurs na biudžet u hrafičnaha i multymiedyjnaha dyzajnu, pravaznaŭstva i piedyjatryi
Hetych prafiesij nie zamienić štučny intelekt. Biełarusy mohuć lohka atrymać takuju adukacyju ŭ Jeŭropie
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary