Na niekatoryja śpiecyjalnaści ŭ BDU prachadny bał skłaŭ 396 i 398 bałaŭ
U BDU adbyłosia zaličeńnie na biudžetnuju formu. Samy vysoki prachadny bał byŭ na Fakultecie mižnarodnych adnosin.
Usiaho na FMA zaličana 120 biudžetnikaŭ, ź jakich 33 — biez ekzamienaŭ, 24 — pa metavym pryjomie, 3 — pa-za konkursam, paviedamlaje pres-słužba BDU.
Na hrupy ź dźviuch śpiecyjalnaściej «suśvietnaja ekanomika» i «mieniedžmient» pa abjadnanym konkursie zaličana 20 abituryjentaŭ; «uschodaznaŭstva» i «afrykanistyka» — 20 abituryjentaŭ; «mižnarodnaja kanfliktałohija» i «mižnarodnyja adnosiny» — 20 abituryjentaŭ. Prachadnyja bały na ŭsie śpiecyjalnaści fakulteta skłali:
— «suśvietnaja ekanomika» — 398;
— «mižnarodnaje prava» — 398;
— «mieniedžmient» — 396;
— «mižnarodnyja adnosiny» — 395;
— «mižnarodnaja kanfliktałohija» -394;
— «mižnarodnaja łahistyka» — 393;
— «ŭschodaznaŭstva» — 388;
— «afrykanistyka» — 387;
— «mytnaja sprava» — 377.
Na śpiecyjalnaść «psichałohija» Fakulteta fiłasofii i sacyjalnych navuk zaličana 22 abituryjenty, siarod ich 6 — pa metavym, 1 — bieź ispytaŭ, 1 — pa-za konkursam. Prachadny bał skłaŭ 373.
Na śpiecyjalnaść «palitałohija» jurydyčnaha fakulteta zaličana 20 abituryjentaŭ, 1 ź jakich — biez ekzamienaŭ. Prachadny bał skłaŭ 366.
Na śpiecyjalnaść «infarmacyja i kamunikacyja» fakulteta žurnalistyki zaličana 42 abituryjenty, siarod ich 2 pryniata pa metavym, 1 — biez ekzamienaŭ, 1 — pa-za konkursam. Prachadny bał skłaŭ 362.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary