Imia Nastaśsi Trubčyk-Dzivakovaj źjaviłasia ŭ abnoŭlenym śpisie «ekstremistaŭ» ad MUS.
Nastaśsi Trubčyk-Dzivakovaj 24 hady. Rodam jana z Horak.
Paśla skančeńnia škoły ŭ 2018 hodzie pastupiła ŭ Biełaruski dziaržaŭny ŭniviersitet kultury i mastactvaŭ, na fakultet infarmacyjna-dakumientnych kamunikacyj. Pracavała ŭ biblijatecy Biełaruskaha nacyjanalnaha techničnaha ŭniviersiteta pa raźmierkavańni.
Niadaŭna Nastaśsia vyjšła zamuž i ŭziała dvajnoje proźvišča, pakinuŭšy svajo i dadaŭšy proźvišča muža.
Jaje asudzili ŭ 2025 hodzie pa «narodnym» 342-m artykule Kryminalnaha kodeksa, imavierna, za ŭdzieł u pratestach. Mierkavana, joj prysudzili «chatniuju chimiju», paśla čaho ŭnieśli ŭ śpis «ekstremistaŭ» MUS.
Masavyja palityčnyja represii ŭ Biełarusi praciahvajucca z 2020 hoda.
Tady Alaksandr Łukašenka prajhraŭ Śviatłanie Cichanoŭskaj, ale nie addaŭ uładu.
Pa słovach hienieralnaha prakurora Andreja Švieda, tolki da kastryčnika 2023 hoda było zaviedziena bolš za 16 tysiač kryminalnych spraŭ «ekstremisckaj skiravanaści», heta značyć, palityčnaha charaktaru.
Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
«Naša Niva» — bastyjon biełaruščyny
PADTRYMAĆCiapier čytajuć
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary