Hiendyrektara IT-kampanii adchilili paśla videa z padnačalenaj na kancercie Coldplay
«Astronomer addany kaštoŭnaściam i kultury, jakimi my kiravalisia z momantu našaha zasnavańnia, — havorycca ŭ zajavie. — Ad našych lidaraŭ čakajecca datrymańnie standartaŭ jak u pavodzinach, tak i ŭ subardynacyi. Rada dyrektaraŭ pačała aficyjnaje rasśledavańnie hetaha pytańnia, i my nieŭzabavie padzielimsia dadatkovymi detalami», — havorycca ŭ zajavie kampanii.
Amierykanskaja technałahičnaja kampanija adpraviła svajho hienieralnaha dyrektara ŭ adpačynak paśla taho, jak stała virusnym videa z abdymkami dvuch jaje supracoŭnikaŭ, jakija trapili ŭ kadr na kancercie Coldplay, piša Bi-bi-si.
Na videa, jakoje źjaviłasia na hihanckim ekranie stadyjona Gillette u Foksbara, štat Masačusets, vidać mužčyna i žančyna, jakija abdymajucca. Kali ichnija tvary źjaŭlajucca na vačach tysiač ludziej, mužčyna i žančyna rezka pryhinajucca i chavajucca ad kamiery.
Paviedamleńni pra toje, što aboje pracujuć na kiraŭničych pasadach u kampanii Astronomer, raspaŭsiudzilisia ŭ Siecivie.
Pozna ŭviečary ŭ piatnicu kampanija paćvierdziła ŭ X, što jaje hienieralnaha dyrektara Endzi Bajrana adpravili ŭ adpačynak. Videa, na jakim para pahojdvajecca pad muzyku, a potym sprabuje chutka schavacca, vybuchnuła ŭ internecie paśla kancertu ŭ sieradu ŭviečary.
Krys Marcin, vakalist Coldplay, ubačyŭšy, jak para chavajecca, skazaŭ publicy: «Abo ŭ ich raman, abo jany prosta vielmi saramlivyja». Pieršaje videa, apublikavanaje ŭ TikTok, nazbirała miljony prahladaŭ. Potym jaho raspaŭsiudzili na roznych placoŭkach, pieratvaryli ŭ miemy i vyśmiejali ŭ televizijnych prahramach.
Praz dva dni paśla taho, jak internet zapoŭniŭsia čutkami pra abdymki, Astronomer apublikavaŭ zajavu, u jakoj abjaviŭ pra rasśledavańnie hetaj spravy, nie ŭdakładniajučy, pra jakoje mienavita videa idzie havorka.
«Astronomer addany kaštoŭnaściam i kultury, jakimi my kiravalisia z momantu našaha zasnavańnia, — havorycca ŭ zajavie. — Ad našych lidaraŭ čakajecca datrymańnie standartaŭ jak u pavodzinach, tak i ŭ subardynacyi. Rada dyrektaraŭ pačała aficyjnaje rasśledavańnie hetaha pytańnia, i my nieŭzabavie padzielimsia dadatkovymi detalami».
Žančynu ź videa identyfikavali jak Kryścin Kebat, hałoŭnaha dyrektara pa piersanale kampanii, jakaja pracuje ŭ Astronomer ź listapada 2024 hoda.
Brat biełaruskaj karalevy pryhažości trapiŭ u reanimacyju ŭ Azierbajdžanie3
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary