Žonka kiraŭnika IT-kampanii, jakoha zaŭvažyli na kancercie z kalehaj-kachankaj, adreahavała na situacyju
Miehan Kieryhan Bajran i jaje siamja atrymali słavu, jakoj vidavočna nie chacieli.
Paśla taho jak kadry z kancerta hurta Coldplay vyklikali ažyjataž u sacsietkach, uvaha hramadskaści źviarnułasia nie tolki da hałoŭnych hierojaŭ videa, ale i da siamji adnaho ź ich. Žurnalisty sprabujuć daviedacca, kim źjaŭlajecca žonka kiraŭnika IT-kampanii, čyje abdymki ź inšaj žančynaj trapili na vialiki ekran.
U sieradu, 16 lipienia, na kancercie hurta Coldplay u ZŠA kamiera vypadkova źniała kiraŭnika IT-kampanii Astronomer Endzi Bajrana i dyrektarku adździeła kadraŭ Kryścin Kabot, jakija stajali abniaŭšysia. Videa pakazali na vialikich ekranach stadyjona padčas pieśni jak častku tradycyjnaha momantu kiss cam (kamiery dla pacałunkaŭ).
Žurnalisty amierykanskich ŚMI pasprabavali źviazacca jak niepasredna z samim Bajranam, tak i ź jaho žonkaj — Miehan Kieryhan Bajran. Ale ich pytańni zastalisia biez adkazu.
Pavodle žurnalistaŭ, staronki Miehan u fejsbuku i instahramie byli aktyŭnyja jašče ranicaj u čaćvier, 17 lipienia, da taho, jak videazapis staŭ virusnym. Adnak paźniej jany byli vydaleny. Jaje muž vydaliŭ svoj profil u LinkedIn.
Jak stała viadoma, Miehan Kieryhan 50 hadoŭ. Jana pracuje namieśnicaj dyrektara pačatkovaj škoły i adkazvaje za pryjom dziaciej u śpiecyjalnuju prahramu Hope Graham u prestyžnaj pryvatnaj škole Bancroft. Jaje dobra viedajuć jak śpiecyjalistku ŭ inkluziŭnaj adukacyi.
Paviedamlajecca, što na staroncy Miehan u fejsbuku byli siamiejnyja fotazdymki. Internet-karystalniki zaŭvažyli, što Miehan spačatku prybrała proźvišča «Bajran» sa svajho profilu, i tolki praź niekatory čas uvohule vydaliła akaŭnt.
Žurnalisty vyśvietlili, što siamiejnaja para žyvie ŭ nievialikim haradku ŭ štacie Masačusiets. U pary dvoje ahulnych dziaciej. Dom siamji znachodzicca niedaloka ad horada Foksbara, dzie ŭ sieradu na vialikim stadyjonie i adbyŭsia kancert hurta Coldplay.
Para vałodaje domam, jaki kaštuje bolš za miljon dołaraŭ. Aficyjna hety dom aformleny praz trast — śpiecyjalnuju jurydyčnuju schiemu, jakaja časta vykarystoŭvajecca dla taho, kab schavać sapraŭdnych uładalnikaŭ majomaści.
Ciapier čytajuć
70-hadovuju žančynu z Homiela pasadzili za kamientary. Heta samaja pažyłaja palitźniavolenaja23
Kamientary
Heta nie "hramadskaść", heta małpy, jakija padhladajuć u zamočnuju ščylinu za čužym pryvatnym žyćciom. I miedyja dehradujuć razam z hetymi małpami.
Nu što tam možna daviedacca, dla čaho šukać kantaktaŭ z udzielnikami banalnaj historyi? Tym bolš z žonkaj, jakoj i tak nie da taho.