«Ja ŭžo raźvitvałasia z mužam, bajałasia bolš nie pabačycca». U biełaruski ŭ 26 hadoŭ zdaryŭsia insult
«Ludzi žyvuć i nie razumiejuć, nakolki jany bahatyja i ščaślivyja».
U Kaciaryny ŭ 26 hadoŭ zdaryŭsia insult. U videa tyktok-kanała Belrels dziaŭčyna raskazała svaju historyju.
U toj dzień, kali zdaryŭsia insult, Kaciaryna raptoŭna adčuła vielmi mocny bol u hałavie. Aprytomnieła, kali ŭžo lažała na padłozie — jana nie mahła ŭstać, adna ruka zusim nie ruchałasia.
Pryjechała chutkaja dapamoha.
«Ja pamiataju, jak my sazvanilisia z mužam: ja ŭžo ź im raźvitvałasia, bajałasia, što my bolš ź im nie pabačymsia», — zhadvaje Kaciaryna
Muž jaje mocna padtrymaŭ i ŭvieś hety hod paśla insultu byŭ pobač, vučyŭ jaje chadzić.
«Mnie było tak škada jaho, i ja kazała: «Kirył, navošta ja tabie patrebna, navošta sa mnoj vazicca? Ty małady jašče, znajdzi sabie zdarovuju dziaŭčynu». Na što jon kryŭdziŭsia. Jon dahetul žartuje, što razvodu mnie nie daść».
Dziaŭčyna pryznajecca, što žyćcio kardynalna źmianiłasia, a niekatoryja ludzi, u jakich jana była ŭpeŭniena, pakinuli jaje — zastalisia tolki samyja blizkija. Ich padtrymka daje joj siły spraŭlacca z usimi ciažkaściami.
Kaciaryna maryć pra domik na pryrodzie.
«U mianie pastajanna byli niejkija prablemy. A ciapier u mianie tolki adna prablema — heta majo zdaroŭje. Takoje vyprabavańnie mnie dali, napeŭna, dla taho kab pakazać, što treba canić usio, što ŭ nas jość», — razvažaje jana.
«Ludzi žyvuć i nie razumiejuć, nakolki jany bahatyja i ščaślivyja», — sa ślaźmi na vačach kaža dziaŭčyna.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž40
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
Jak paźbiehčy insulta?