Nakolki dakładna možna pradkazać nadvorje na miesiac? I čamu dahetul nie papiaredžvajuć pra tarnada za dzień?
Dakładnaść prahnozu nadvorja na troje sutak — 96%. A dalej?
Dyrektar Instytuta pryrodakarystańnia NAN Biełarusi Siarhiej Łysienka raskazaŭ na ANT, što dakładnaść biełaruskich prahnozaŭ nadvorja z hadami pavialičvajecca.
«Dla paraŭnańnia, kali my voźmiem karotkaterminovyja prahnozy — prahnozy na troje sutak, — to ŭ 1990-ch hadach apraŭdanaść takich prahnozaŭ była 90%. Ciapier my majem užo apraŭdanaść na ŭzroŭni 96%. Naš Biełhidramiet daje ciapier karotkaterminovyja prahnozy na suśvietnym ŭzroŭni.
A voś dalej užo apraŭdanaść chutka padaje. Dapuścim, na 10 sutak apraŭdanaść — usiaho 50%. Tamu, kali chtości zajaŭlaje na asobnych sajtach, jakoje nadvorje budzie praź miesiac, praz dva — heta nie bolš čym śpiekulacyja».
Ale sučasnyja madeli dahetul nieidealnyja, kali razmova pra prahnoz ekstremalnych, niebiaśpiečnych źjaŭ nadvorja.
«Reč u tym, što hetyja źjavy dosyć drobnamaštabnyja, i, kab ich uličyć madelami, treba zvyšvysokuju mahutnaść, to bok mienšuju za 100 mietraŭ. Navat u ZŠA, u jakich časta ŭźnikaje tarnada, svoječasovaść prahnazavańnia takoha rodu źjavy składaje ŭsiaho 20 chvilin. To bok, heta dosyć składanaja zadača».
Ale, adznačaje Łysienka, jaho instytut ciapier dapracoŭvaje technałohii siarednieterminovaha prahnazavańnia. Praz hod-dva biełaruskija mietearołahi spadziajucca davać prahnoz nadvorja z detalovaściu pa kožnaj hadzinie na pieryjad da 10 sutak.
Što da sioletniaha nadvorja, to takaja situacyja — prachałodny travień, nie vielmi ciopły červień i padvyšanaja kolkaść apadkaŭ — sustrakajecca ŭ Biełarusi prykładna raz u 10 hadoŭ. Anałahičnaje nadvorje było apošni raz dzieści ŭ 2009 hodzie.
«Apadki stali bolš intensiŭnymi na 20-30%, a praciahłaść vypadzieńnia apadkaŭ skaraciłasia prykładna na takuju ž vieličyniu. Heta značyć apadkaŭ bolš nie stała, ale jany stali bolš intensiŭnymi i vypadajuć za bolš karotki čas», — patłumačyŭ Łysienka.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary