Z-za niepahadzi Minsk pieražyvaje vialikija transpartnyja składanaści
U vyniku siońniašniaj niepahadzi ŭ Minsku skłałasia ciažkaja transpartnaja situacyja, u mnohich miescach stalicu praktyčna paralizavała.
Zaleva vyklikała padtapleńni niekatorych staličnych vulic. Ruch transpartu ŭ hetych miescach abciažarany. Na hetych učastkach vulična-darožnaj sietki inśpiektary DAI robiać rehulacyjnyja dziejańni.
Uskładnieny ruch pa vulicach Jakuba Kołasa, Lenina, Haradski Vał, Arłoŭskaja, Kazłova, Surhanava, Akademičnaja, Kalvaryjskaja, Niamiha, Daŭhinaŭski trakt, praśpiekty Niezaležnaści, Pieramožcaŭ, Partyzanski i šerahu inšych učastkaŭ vulična-darožnaj sietki, paviedamiła minskaja DAI.
«Minsktrans» paviedamiŭ pra spynieńnie hramadskaha transpartu
Tramvai spynienyja:
№ 3, 6, 7 — vuł. Płatonava, Kazłova, Uralskaja, Daŭhabrodskaja (z ~16:45-16:57);
№ 1, 5, 6, 11 — Kołasa, Daraševiča (z 16:57).
Tralejbusy spynienyja:
№ 35, 46, 53, 33, 34, 92, 3, 16, 19, 30, 36, 59, 29, 40 — Maksima Bahdanoviča, Łukjanoviča, Akademičnaja, Bataničnaja, Kujbyšava, Viery Charužaj, pr. Partyzanski, a. p. «Viełazavod».
Aŭtobusy spynienyja:
№ 40, 78, 163 — vuł. Kalvaryjskaja.
Akramia taho, pierastała pracavać słužba zapytu raskładu transpartu na karotkim numary 488, źjavilisia techničnyja ŭskładnieńni.
Padnialisia ceny i na taksi. Tak, naprykład, pajezdka ad staličnaha HC «Jeŭropa» da čyhunačnaha vakzała praz servis «Jandeks. Taksi» abydziecca ŭ bolš za 30 rubloŭ. U zvyčajnyja dni — u dva razy tańniej.
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary