U Zelvie ŭpieršyniu adnavili «ataku mierćviakoŭ» u Pieršaj suśvietnaj vajnie. Što viadoma pra hetuju bitvu
U rasiejskaj navukovaj i publicystyčnaj litaratury časta sustrakajecca mierkavańnie, što źjaŭleńnie frazy «rasiejcy nie zdajucca» zaviazana mienavita z abaronaj Asavieckaj krepaści, piša «Svaboda».
U Zelvie Haradzienskaj vobłaści na feście histaryčnaj rekanstrukcyi «Lehiendarnyja epochi» ŭpieršyniu adnavili «ataku mierćviakoŭ» — bitvy pamiž rasiejskaj imperatarskaj armijaj i niamieckim vojskam kala krepaści Asaviec (ciapier znachodzicca na terytoryi Polščy, niedaloka ad Biełastoku), što znachodziłasia na ŭschodnim froncie Pieršaj usiaśvietnaj vajny.
Jak paviedamiła rajonnaja hazeta «Praca», rekanstruktary taksama adnavili i padziei Ajčynnaj vajny 1812 hodu, jakaja była «nialohkim vyprabavańniem dla naroda, ale dziakujučy samaaddanaści i namahańniam dziasiatkaŭ tysiač ludziej, siarod jakich było niamała biełarusaŭ, vojska Banaparta było razhromlena».
Admietna, što Pieršaja ŭsiaśvietnaja vajna nie zakranuła niepasredna terytoryju Zelvy, choć rajon byŭ častkaj Uschodniaha frontu, dzie išli bai pamiž Rasiejskaj imperyjaj i Centralnymi dziaržavami. Zelvienski rajon, jak i ŭsia terytoryja sučasnaj Biełarusi, uvachodziŭ u zonu bajavych dziejańniaŭ.
«Atakaj mierćviakoŭ» nazyvajuć abaronu Asavieckaj krepaści ad niamieckich sił, jakija pierad atakaj vykarystali haz suprać rasiejskaha vojska, spadziejučysia na hibiel žaŭnieraŭ. Ale bolšaść ich zmahli vykarystać reśpiratary i nia tolki paźbiehnuć śmierci, a i raspačać kontrataku, jakaja, pa sutnaści, pierałamała chod Pieršaj usiaśvietnaj vajny. Pavodle rasiejskich historykaŭ, u hetaj bitvie trochtysiačnamu niamieckamu vojsku supraćstajali krychu bolš za 200 rasiejskich žaŭnieraŭ.
Niamieckija historyki nia majuć nijakich źviestak mienavita pra hetuju «hazavuju ataku» kala Asaŭca, ale pryznajuć, što takaja praktyka vykarystoŭvałasia niamieckim vojskam na roznych kirunkach Uschodniaha frontu.
U rasiejskaj navukovaj i publicystyčnaj litaratury časta sustrakajecca mierkavańnie, što źjaŭleńnie frazy «rasiejcy nie zdajucca» źviazana mienavita z abaronaj Asavieckaj krepaści.
Kamientary