Prezident Irana Masud Piezieškijan, pavodle paviedamleńniaŭ iranskich ŚMI, ledź nie zahinuŭ u vyniku izrailskaj ataki, piša BILD.
Praz try dni paśla pačatku vajny, 16 červienia, izrailskaja avijacyja naniesła ŭdar pa budynku, źviazanym z Vyšejšaj radaj nacyjanalnaj biaśpieki Irana.
U vyniku bambardziroŭki adklučyłasia elektryčnaść, a ŭdzielnikam ekstrannaha pasiadžeńnia, uklučajučy Piezieškijana, daviałosia terminova evakujavacca. Niekalki čałaviek, u tym liku i sam prezident, atrymali traŭmy noh.
Pavodle słoŭ samoha Piezieškijana, incydent moža być źviazany z uciečkaj infarmacyi ź iranskich śpiecsłužbaŭ. Ahienctva Fars udakładniaje, što ŭnutry Irana abmiarkoŭvajecca viersija pra mahčymy ŭdzieł «zasłanaha ahienta».
U iranskich ŚMI taksama źjaviłasia videa, na jakim, jak śćviardžajecca, bačny nastupstvy abstrełu — udary pa hornym schile na zachadzie Tehierana, dzie raźmieščany atakavany kompleks. Aficyjnych kamientaryjaŭ ź Izraila nakont hetaha incydentu pakul nie pastupała.
Kamientary