Kampanija Perplexity vypuściła braŭzier Comet, jaki abstalavany ŭbudavanym štučnym intelektam. Pra toje, što kampanija viadzie raspracoŭku ŭłasnaha braŭziera, stała viadoma jašče ŭ lutym, piša Office Life.

Ubudavany ŠI moža tłumačyć źmiest veb-staronak, rabić karotkija zvodki, zapaŭniać formy i navat vykonvać składanyja zadačy, naprykład, afarmleńnie zakazaŭ.
Karystalniki mohuć razmaŭlać z ŠI praz Comet, vykarystoŭvajučy teh @tab «pakazać adkrytuju ŭkładku» — tak pamočnik uličyć jaje pry adkazie. Braŭzier intehrujecca z Gmail i Google-kalendarom.
Comet pabudavany na bazie Chrome, jość zručny pieranos danych, a taksama ŭbudavany błakiroŭščyk rekłamy.
Pakul što «pakarystacca» navinkaj mohuć karystalniki z padpiskaj Max ($200 u miesiac). Chutka Perplexity zrobić Comet dastupnym dla ŭsich karystalnikaŭ biaspłatna, chacia dakładnaja data pakul nie abvieščana.
Nahadajem, Dzianis Jarac zasnavaŭ Perplexity z dvuma partniorami ŭ ZŠA, dzie žyvie ŭžo bolš za 10 hadoŭ. U kancy 2024 hoda prajekt pryznali adnym z samych darahich maładych startapaŭ.
Akramia taho, u sakaviku stała viadoma, što ŠI-startap viadzie raspracoŭku ŭłasnaha smartfona.
-
Maładoj mamie z Navahrudka dali 6 hadoŭ za karupcyju. Jana dakazała svaju nievinavataść — ale kali ŭžo adsiedzieła
-
«Chaciełasia, kab žyćcio pastaviła mianie na miesca». Biełarus prajechaŭ bolš za 250 kiłamietraŭ pa Aŭstryi na rolikach
-
Milicyja abviarhaje, što ŭ hibieli katoŭ u Minsku vinavaty skurałup
Kamientary