Кампанія Perplexity выпусціла браўзер Comet, які абсталяваны ўбудаваным штучным інтэлектам. Пра тое, што кампанія вядзе распрацоўку ўласнага браўзера, стала вядома яшчэ ў лютым, піша Office Life.
Убудаваны ШІ можа тлумачыць змест вэб-старонак, рабіць кароткія зводкі, запаўняць формы і нават выконваць складаныя задачы, напрыклад, афармленне заказаў.
Карыстальнікі могуць размаўляць з ШІ праз Comet, выкарыстоўваючы тэг @tab «паказаць адкрытую ўкладку» — так памочнік улічыць яе пры адказе. Браўзер інтэгруецца з Gmail і Google-календаром.
Comet пабудаваны на базе Chrome, ёсць зручны перанос даных, а таксама ўбудаваны блакіроўшчык рэкламы.
Пакуль што «пакарыстацца» навінкай могуць карыстальнікі з падпіскай Max ($200 у месяц). Хутка Perplexity зробіць Comet даступным для ўсіх карыстальнікаў бясплатна, хаця дакладная дата пакуль не абвешчана.
Нагадаем, Дзяніс Ярац заснаваў Perplexity з двума партнёрамі ў ЗША, дзе жыве ўжо больш за 10 гадоў. У канцы 2024 года праект прызналі адным з самых дарагіх маладых стартапаў.
Акрамя таго, у сакавіку стала вядома, што ШІ-стартап вядзе распрацоўку ўласнага смартфона.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ1
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары