Stasievič staŭ rekardsmienam Biełarusi pa kolkaści matčaŭ. Jamu padaryli łukašenkaŭski mierč, chacia doma futbalist u čornym śpisie
39-hadovy paŭabaronca «Atyraŭ» Ihar Stasievič pravioŭ 732 matčy na prafiesijnym uzroŭni i staŭ absalutnym rekardsmienam Biełarusi. Jon abyšoŭ Alaksandra Hleba, jaki raniej utrymlivaŭ pieršynstvo ŭ Kłubie Siarhieja Alejnikava — asacyjacyi biełaruskich futbalistaŭ, što zhulali bolš za 500 aficyjnych matčaŭ na najvyšejšym uzroŭni. Ale doma hulać Stasieviču nie dali.
Pierad rekordnym matčam u Aktobie pradstaŭnik ABFF Ihar Capluk pavinšavaŭ hulca z dasiahnieńniem, abharnuŭ jaho čyrvona-zialonym ściaham, uručyŭ hadzińnik «Łuč» i bombier z łukašenkaŭskaha mierča z proźviščam Stasieviča.
Niahledziačy na vydatnuju karjeru i zasłuhi pierad biełaruskim futbołam, Ihar Stasievič nie moža praciahvać vystupać u Biełarusi.
Paśla padziej 2020 hoda jaho proźvišča trapiła ŭ čorny śpis. Choć jon zapisaŭ tak zvanaje pakajannaje videa, u 2022 hodzie jahonaje mahčymaje viartańnie ŭ minskaje «Dynama» było asabista zabaroniena tahačasnym ministram sportu Siarhiejem Kavalčukom.
U vyniku Stasievič vymušany praciahvać karjeru za miažoj — ciapier jon znoŭ ihraje ŭ kazachstanskim «Atyraŭ», dzie ŭžo vystupaŭ raniej.
Stasievič za svaju karjeru paśpieŭ vystupić za BATE, minskaje «Dynama», «Atyraŭ», «Homiel», «Šachcior» i inšyja kamandy.
U jahonaj bijahrafii — 10 tytułaŭ čempijona Biełarusi, 5 pieramoh u Kubku krainy, zvańni najlepšaha futbalista čempijanatu (2014, 2015, 2016, 2018, 2019) i najlepšaha futbalista Biełarusi (2015, 2018, 2019). Jon taksama prymaŭ udzieł u hrupavych etapach Lihi čempijonaŭ i Lihi Jeŭropy, a ŭ siezonie 2018/2019 staŭ najlepšym asistentam u Lizie Jeŭropy.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary