Maładaja aktrysa Kołasaŭskaha teatra, jakaja začapiła ludziej vykazvańniem pra biełaruskuju movu, zvalniajecca
Raniej Ksienija Kaminskaja pracavała ŭ słužbie pratakoła Łukašenki.
Aktrysa Ksienija Kaminskaja zvalniajecca z Kołasaŭskaha teatra ŭ Viciebsku paśla čatyroch hadoŭ pracy. Na videa ŭ tyktoku, dzie jana pakazvaje zajavu ab zvalnieńni pa ŭłasnym žadańni z 18 lipienia 2025 hoda, źviarnuŭ uvahu kanał «Viciebsk, ja hulaju! | Naviny Viciebska».
Niekalki miesiacaŭ tamu aktrysa trapiła ŭ moŭny skandał, kali pryznałasia, što impravizacyi na biełaruskaj movie dajucca joj składana.
«Kali drenna viedaješ biełaruskuju movu, impravizavać składana. Tak, my na joj pracujem, usio razumiejem, što havorym. Ale znajści słova-sinonim, kali svajo niejkaje zabyŭ, maładomu pakaleńniu, jakoje horš viedaje biełaruskuju movu, na ruskaj było b praściej», — raskazvała Ksienija Kaminskaja.
Kamientatary pad videa ŭ tyktoku tady aburylisia, što akciory biełaruskaha teatra nie vałodajuć movaj svajho naroda i nie karystajucca joj u žyćci.
Ksienii 24 hady. Jana naradziłasia ŭ Vilejcy, vučyłasia ŭ Viciebskim dziaržaŭnym kaledžy kultury i mastactvaŭ, paśla praciahnuła vučobu ŭ Biełaruskaj dziaržaŭnaj akademii mastactvaŭ. U instahramie ŭ jaje 220 tysiač padpisčykaŭ.
Bolno, no eto tak ja uvolniajuś
Kamientary
Takija jak jana - simvał epochi, pradvieście budučyni, dzie biełaruskaja mova zojmie pačesnaje miesca sa "starabiełaruskaj".