Polšča źbirajecca dać prajaznomu dakumientu status aficyjnaha paśviedčańnia asoby
Taksama zastajucca płany pa pavieličeńni jaho terminu dziejańnia.
Pavieł Łatuška i zasnavalnica inicyjatyvy «Partyzanka» Hanna Macijeŭskaja praviali sustreču z kiraŭnikom polskaha Upraŭleńnia pa spravach zamiežnikaŭ Tomašam Cytrynovičam.
Što abmiarkoŭvałasia?
Polski prajazny dakumient
Rychtujecca prajekt źmien u zakanadaŭstva, jakija nadaduć polskamu prajaznomu dakumientu aficyjny status paśviedčańnia asoby. Taksama zastajucca płany pa pavieličeńni jaho terminu dziejańnia.
Źmianšeńnie čerhaŭ čakańnia VNŽ
Polša praciahvaje pracu pa ŭviadzieńni novych elektronnych sistemaŭ, jakija pavinny značna skaracić terminy čakańnia i čerhi ŭ vajavodskich upraŭleńniach. Pieradusim heta budzie datyčyć ekanamičnych dazvołaŭ na žycharstva — pa pracy, biznesie, uźjadnańni ź siamjoj, navučańni.
Zapyty na ekstradycyju ŭ Biełaruś
Padčas sustrečy było ŭźniata pytańnie ekstradycyjnych zapytaŭ z boku biełaruskich uładaŭ. Hanna Macijeŭskaja padzialiłasia svaim praktyčnym dośviedam viadzieńnia padobnych spraŭ u Polščy i ahučyła kankretnyja rekamiendacyi, u pryvatnaści — pa ŭdaskanaleńni dziejańniaŭ z boku polskich pravaachoŭnikaŭ.
Cytrynovič paabiacaŭ nakiravać infarmacyjnyja materyjały va ŭsie struktury, jakich heta datyčyć, kab padvysić infarmavanaść supracoŭnikaŭ i zabiaśpiečyć karektnaje reahavańnie ŭ situacyjach, kali prychodzić zapyt ź Biełarusi.
Ciapier čytajuć
Łukašenku na śviacie ŭ Aleksandryi supravadžała aficer Zajcava10
Kamientary