Ajatała Chamieniei tak i nie vyjšaŭ z bunkiera? Jaho niama na publicy ŭžo 25 dzion
Zvyčajna 86-hadovy Chamieniei nie prapuskaje važnyja relihijnyja cyrymonii, ale zaraz nie da taho.
Užo 25 dzion viarchoŭny lidar Irana ajatała Ali Chamieniei nie źjaŭlaŭsia na publicy. Za hety čas jon tolki dvojčy źviarnuŭsia da naroda pa videa — i heta pry tym, što zvyčajna Chamieniei nie prapuskaje važnyja relihijnyja cyrymonii.
U Iranie raspaŭsiudžvajucca roznyja čutki — pra surjoznuju chvarobu ajatały i navat jaho śmierć.
Ekśpierty, u svaju čarhu, schilajucca da taho, što Chamieniei prosta nie vychodzić z bunkiera.
Pa infarmacyi niamieckaha Bild, lidar Irana schavaŭsia ŭ padziemnym schoviščy nieŭzabavie paśla pačatku ŭdaraŭ Izraila pa iranskaj jadziernaj prahramie 13 červienia.
Kanflikt doŭžyŭsia 12 dzion. Zaraz dziejničaje časovaje pieramirje, uzhodnienaje pry pasiarednictvie Katara.
«Dvanaccacidzionnaja vajna faktyčna stała pačatkam postchamieniejeŭskaj epochi. U Iranie ŭžo šukajuć pierajemnika. U Chamieniei bolš niama fizičnych i psichałahičnych mahčymaściej vykonvać svaju rolu — i tak było z pačatku vajny», — zajaviŭ u razmovie z Bild iranski palitołah Ali Fatchała-Niedžad.
-
«Alternatyva dla Hiermanii» ŭ novaabranym łandtahu Saksonii-Anchalt adrazu ž zapatrabavała spynić padtrymku Ukrainy i admianić sankcyi suprać Rasii
-
ZŠA padtrymali Łatviju ŭ baraćbie ź nielehalnaj mihracyjaj i vysoka acanili jaje hatoŭnaść uzajemadziejničać ź Biełaruśsiu
-
U Ispanii pamierła 87‑hadovaja žančyna, sprava jakoj spravakavała ciapierašni palityčny kryzis u krainie
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary