Stali viadomyja imiony čatyroch palitźniavolenych žančyn, vyzvalenych pa papiarednim pamiłavańni
Na svabodzie Ludmiła Lichačeŭskaja, Natalla Antonava, Taćciana Makiejeva i Karyna Malinoŭskaja.
Belarus Women's Foundation daviedaŭsia imiony čatyroch žančyn, jakija vyjšli pa papiarednim pamiłavańni. Jano adbyłosia napiaredadni 9 maja 2025 hoda.
48-hadovaja Ludmiła Lichačeŭskaja — šmatdzietnaja maci. Jaje aryštavali 29 sakavika 2024 hoda i asudzili za «zakliki da sankcyj» i «raspalvańnie varožaści» da 2 hadoŭ kałonii. Ludmiła vyzvaliłasia prykładna na paŭhoda raniej za pryznačany termin.
Admietna, što razam ź Lichačeŭskaj asudzili jaje muža Alaksieja Začapiłu. Jamu pryznačyli paŭtara hoda źniavoleńnia. Alaksiej vyjšaŭ niezadoŭha da žonki, całkam adbyŭšy termin.
65-hadovuju Natallu Antonavu z Hrodna spačatku adpraŭlali na chatniuju chimiju za ŭdzieł u pratestach. Adnak žyćcia nie dali, u studzieni 2024 hoda zatrymali padčas rejdu siłavikoŭ pa tych, chto akazvaŭ dapamohu palitviaźniam. U vyniku Natallu sudzili za «paklop na Łukašenku» i «raspalvańnie varožaści». Termin nieviadomy, ale Antonavu adpravili ŭ homielskuju kałoniju. Tam jana prabyła kala čatyroch miesiacaŭ.
67-hadovaja Taćciana Makiejeva praviała za kratami roŭna hod. Joj vystavili ceły pakiet abvinavačvańniaŭ: udzieł u pratestach, «abraza pradstaŭnika ŭłady», «abraza sudździ», «abraza Łukašenki». Taćcianie prysudzili try hady kałonii.
Narešcie, 32-hadovuju Karynu Malinoŭskuju asudzili za ŭdzieł u pratestach, a taksama «raspalvańnie varožaści» i «zakliki da sankcyj».
Karyna pracavała cyrulnicaj, cikaviłasia psichałohijaj, rabiła ŭłasny biznes pa prodažy śviatłodyjodnaha aśviatleńnia. Doma jaje čakali dvoje dziaciej.
Nieviadoma, jaki prysud atrymała Malinoŭskaja. Pa padlikach pravaabaroncaŭ, dziaŭčyna praviała za kratami ad paŭhoda da hoda.
«Naša Niva» — bastyjon biełaruščyny
PADTRYMAĆCiapier čytajuć
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni7
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary
[Zredahavana]