Vyzvaleny ź biełaruskaj turmy błohier Siarhiej Cichanoŭski zapisaŭ pieršy rolik na svaim kanale «Kraina dla žyćcia», jaki hety čas viali jaho paplečniki. Cichanoŭski abjaviŭ, što źbiraje kamandu.
Siarhiej Cichanoŭski havoryć, što ŭ jaho šmat chto pytaje, jak možna dałučycca da kamandy i dapamahčy ŭ dasiahnieńni «hałoŭnaj mety — demakratyi ŭ Biełarusi».
«Ja płanuju natchnić i matyvavać biełarusaŭ za miažoj i ŭ samoj Biełarusi i ŭžo praz try tydni nanieści mocny ŭdar pa łukašyźmie i jaho prapahandzie. I vy ŭsie ŭbačycie vynik», — abiacaje jon.
Jon raspavioŭ, što ŭ bližejšy čas budzie sustrakacca ź biełarusami ŭ roznych krainach i haradach ES, ZŠA i Kanady. «Kali vy chočacie, kab my z kamandaj pryjechali ŭ vaš horad abo krainu, pakińcie paviedamleńnie i padtrymajcie nas praz spasyłku pad videa na YouTube-kanale «Kraina dla žyćcia», — dadaŭ jon.
Cichanoŭski havoryć, što pravodzić sustrečy sa ŚMI i błohierami, apazicyjaj i strukturami hramadzianskaj supolnaści, kab abjadnać biełaruskija siły «dla adzinaha ŭdaru».
«Ludzi čakajuć ad mianie chutkich i efiektyŭnych dziejańniaŭ — i ja ich ździejśniu. Ale biez vašaj padtrymki heta niemahčyma. Kab źniščyć dyktaturu ŭ Biełarusi i finansavać kankretnyja kroki, kožny ź jakich moža stać vyrašalnym dla našaj pieramohi, mnie patrebna vaša dapamoha», — davodzić jon.
Ciapier čytajuć
Dva sakrety, dziakujučy jakim adbyłasia karjera novaha pres-sakratara MZS Rusłana Varankova3
Dva sakrety, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary