U Azierbajdžanie atrymali pažyćciovyja terminy były prezident i eks-śpikier Nahornaha Karabacha
Usiaho ŭ spravie 15 fihurantaŭ, u tym liku dziaržaŭny ministr niepryznanaha Nahornaha Karabacha Rubien Vardanian.
Bakinski vajskovy sud prysudziŭ da pažyćciovaha źniavoleńnia byłoha prezidenta niepryznanaj Nahorna-Karabachskaj Respubliki Araika Aruciuniana, piša «Nastojaŝieje vriemia».
Akramia Aruciuniana, pažyćciovyja terminy atrymali:
- były kamandujučy armijaj niepryznanaj respubliki Levon Mnacakanian;
- były namieśnik kamandujučaha armijaj David Manukian;
- były śpikier parłamienta NKR David Išchanian;
- były kiraŭnik MZS NKR David Babajan.
Byłych prezidentaŭ NKR Arkadzia Hukasiana i Bako Saakiana prysudzili da 20 hadoŭ pazbaŭleńnia voli. Pavodle Kryminalnaha kodeksa, im nie moža być pryznačana pažyćciovaje źniavoleńnie, bo na momant vyniasieńnia prysudu mužčynam spoŭniłasia 65 hadoŭ.
Abviaščeńnie prysudaŭ praciahvajecca. Usiaho ŭ spravie 15 fihurantaŭ, u tym liku dziaržaŭny ministr niepryznanaha Nahornaha Karabacha Rubien Vardanian.
Im, u pryvatnaści, inkryminujuć padrychtoŭku i viadzieńnie ahresiŭnaj vajny, parušeńnie zakonaŭ i zvyčajaŭ vajny, hienacyd, finansavańnie teraryzmu, hvałtoŭny zachop ułady i zabojstvy.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj2
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1414
Kamientary