Cichanoŭskaja pra 3 Lipienia: Na spravie ni pra jakuju sapraŭdnuju niezaležnaść ci svabodu havorki nie idzie
Śviatłana Cichanoŭskaja źviarnułasia da biełarusaŭ z nahody aficyjnaha «Dnia Niezaležnaści Biełarusi».
«Siońnia, 3 lipienia, režym «śviatkuje» Dzień Niezaležnaści Biełarusi. Na spravie ž, kaniešnie, ni pra jakuju sapraŭdnuju niezaležnaść ci svabodu havorki nie idzie. Kraina jak nikoli zaležyć ad voli Rasii: resursy, palityčnyja rašeńni i navat vojski rehulujucca Kramlom», — kaža demakratyčnaja lidarka Biełarusi.
Cichanoŭskaja zaznačaje, što niahledziačy na pastajannyja sproby Łukašenki pakazać siabie miłasernym i vielikadušnym, žychary ŭ krainie i za jaje miežami razumiejuć: heta iluzija.
«Biełaruś zajmaje 190 miesca ŭ śviecie pa ŭzroŭni hramadzianskich svabodaŭ — pamiž Livijaj i Paleścinaj. Zvyčajnyja ludzi bajacca nie złačyncaŭ i ašukancaŭ, a pradstaŭnikoŭ režymu. Kožny krok pilna kantralujecca: nivodnaje mierapryjemstva ci inicyjatyva nie adbyvajecca biez uchvały «źvierchu» i maštabnaj prysutnaści siłavikoŭ».
«Heta i jość sapraŭdnaja antyŭtopija. Pampieznyja kancerty i mierapryjemstvy miljonnych koštaŭ. Vulicy, zadušanyja čyrvona-zialonymi kolerami. Liślivaść i śpievy ŭ honar dyktatara… Usio heta ŭ toj čas, kali ŭ turmach pavolna pamirajuć bolš za adzinaccać socień ludziej, jakija vybrali być sumlennymi i śviadomymi. Chłuśnia na dziaržaŭnych telekanałach, błakiroŭka niazručnych krynicaŭ infarmacyi, pieraśled niedziaržaŭnych arhanizacyjaŭ, dopyty kožnaha, chto viartajecca z-za miažy — heta realii sučasnaj Biełarusi. Hetaje «śviata» nie naležyć biełarusam. Heta śviata tych, chto padtrymlivaje tyraniju. Tych, chto ličyć, što takija ŭmovy žyćcia, — prymalnyja», — kaža Śviatłana Cichanoŭskaja.
«Ale my z vami zasłuhoŭvajem sapraŭdnaj svabody i sapraŭdnaj niezaležnaści. I dzień suvierenitetu našaj krainy my adśviatkujem razam, kali dziaržava znoŭ budzie naležyć hramadstvu. My praciahvajem pracu, kab jon nadyšoŭ jak maha chutčej», — zaznačaje jana.
Ciapier čytajuć
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!1
Kamientary
Chtości, rastłumačcie hetaj zarvaŭšajsia svajačcy pieršaha džentlmena, što zmahańnie z dyktaturaj - heta nie zmahańnie suprać našaj Biełarusi!
https://www.unian.ua/lite/holidays/yake-sogodni-cerkovne-svyato-3-lipnya-2025-roku-zaboroni-zvichaji-ta-prikmeti-dnya-13055349.html
[Zredahavana]