U «Minsk-Śviecie» pačali pradavać dvuchuzroŭnievyja kvatery. Kab kupić, treba salidnyja hrošy
Toje, što ŭ «Minsk-Śviecie» ŭzvodziacca damy z dvuchuzroŭnievymi kvaterami, — nie sakret. Pra ich stała viadoma jašče ŭ sakaviku. Budavalisia damy niestandartnym sposabam — biez pryciahnieńnia srodkaŭ dolevaha ŭdziełu, piša Onliner.by.
Vaśmipaviarchovyja damy, raźmieščanyja ŭ kvartale Happy Planet, atrymali nazvy «Sad Ermitaž» i «Kalemiehdan» (tak nazyvajecca park u Białhradzie).
I jakraz u «Kalemiehdanie» siońnia kvatery stali dastupnyja ŭsim achvotnym. A dakładniej — tym ź ich, u kaho jość salidnyja sumy hrošaj.
Žyllo pačynajecca z druhoha ŭzroŭniu. Dva lifty, vyhnuty kalidor, šerah uvachodnych dźviarej (jany znachodziacca tolki z adnaho boku, uzdoŭž druhoha — vokny padjezda).
Usiaho na paviersie 11 kvater z vysokimi, bolš za piać mietraŭ, stolami (takija «ŭdarnyja» pakazalniki tolki ŭ zonie druhoha śviatła, u spalniach i sanvuzłach usio standartna).
Panaramnyja vokny vychodziać stroha ŭ bok budučaha parku. Z spalni adkryvajecca vid na dvor.
Asnoŭnaja masa kvater maje płošču ad 48,5 da 53,1 kvadratnaha mietra. Płaniroŭka, u pryncypie, takaja ž, jak i ŭ papiarednim vypadku, tolki biez maleńkaha pakojčyka na pieršym uzroŭni. I płošča spalni značna mienšaja — miesca chopić tolki na łožak i dźvie nievialikija tumbački.
Jak raspavioŭ dyrektar SZAT «Dana Astra», budaŭnictva hetych damoŭ było svajho rodu ekśpierymientam, inviestara pryjšłosia pierakonvać ryzyknuć. Ale jano taho varta było.
«U domie ŭsiaho 77 kvater, a zajavak ad žadajučych — bolš za 200», — dzialiŭsia infarmacyjaj Pietar Pietraŭ.
Pahladzim, ci nie adpadzie značnaja častka achvotnych paśla taho, jak jany daviedajucca rascenki. Košt mietra niemaleńki (dobra, što ŭličvajucca mietry kvadratnyja, a nie kubičnyja, inakš było b nie raźličycca).
Dyk voś, u tych samych prastornych tarcovych kvaterach «kvadrat» acanili ŭ €2340—2380 pa kursie (pravy i levy tarec adpaviedna).
Cikava, što ad paviercha košt nie zaležyć: choć druhi, choć vośmy — usio adno.
Poŭny košt kvatery — prykładna €142 740 i €146 370 (ci $168 395 i $172 677). I heta pry stoadsotkavaj apłacie.
U vypadku rasterminoŭki košt mietra padychodzić da €2600 u ekvivalencie.
Dvuchuzroŭnievyja kvatery, raźmieščanyja pasiaredzinie doma, acanili ŭ €2470—2540 pa kursie za «kvadrat». Znoŭ ža niezaležna ad paviercha.
To-bok poŭny košt takoj «dvuški» — kala €131 157 i €124 206 (ci $154 729 i $146 230). U vypadku rasterminoŭki mietr stanovicca jašče daražejšy: amal €2800 u ekvivalencie.
Ciapier čytajuć
Dźvie ŭdačy, dziakujučy jakim adbyłasia karjera novaha pres-sakratara MZS Rusłana Varankova13
Dźvie ŭdačy, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary
PS I nie nado pro płochoj rajon, arabov i cyhan. Takich hriaznych podjezdov kak v Biełarusi vy zdieś nie najdiotie. I russkuju rieċ zdieś słyšiš jedva li nie čaŝie čiem ispanskuju. ( v osnovnom v ispołnienii ukrainskich mužčin i žienŝin).