Alaksandr Łukašenka prybyŭ u Maskvu dla ŭdziełu va ŭračystaściach z nahody 81‑j hadaviny pieramohi nad Hiermanijaj i sustreŭsia ŭ Kramli z prezidentam Rasii Uładzimiram Pucinym.
Padčas pieramoŭ, jak paviedamlajecca, Łukašenka z Pucinym abmiarkoŭvali dvuchbakovaje supracoŭnictva, situacyju ŭ rehijonie i mižnarodnyja pytańni.
Pucin adznačyŭ, što pamiž Maskvoj i Minskam zaŭsiody jość što abmierkavać — ad sacyjalnych pytańniaŭ da ekanamičnaha supracoŭnictva. Asobna jon padkreśliŭ, što tavaraabarot pamiž krainami zastajecca rekordnym, niahledziačy na sankcyi i źniešni cisk. Pavodle jaho słoŭ, u rasijskaj ekanomicy ciapier nazirajucca «dobryja tendencyi», jakija ŭpłyvajuć i na partnioraŭ pa Jeŭrazijskim sajuzie, asabliva na Biełaruś.
U svaju čarhu Łukašenka skazaŭ, što surjoznych sprečak pamiž Minskam i Maskvoj niama. Jon adznačyŭ, što pry vialikim abjomie handlu pamiž krainami drobnyja pytańni ŭźnikajuć zaŭsiody, ale ich udajecca vyrašać u pracoŭnym paradku. Dla abmierkavańnia ž siońnia ŭ ich z Pucinym jość «paŭtara pytańnia».
Pavodle pres-słužby Kramla, paśla aficyjnaj sustrečy palityki praciahnuli znosiny ŭ niefarmalnaj abstanoŭcy padčas sumiesnaj viačery.
Łukašenka palacieŭ u Maskvu
Takajeŭ i Mirzijojeŭ usio ž pryjeduć paciešyć Pucina
«Dziŭnaje žadańnie ŭ hetyja dni». Zialenski nie rekamienduje zamiežnym palitykam jechać 9 maja ŭ Maskvu
Łukašenka z Pucinym zaŭtra razam paviačerajuć
Dvuch byłych ministraŭ abarony Kitaja pryhavaryli da śmierci. Pierad samym aryštam adnaho ź ich raschvalvaŭ Łukašenka
Ciapier čytajuć
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Poetomu, i niečieho obsuždať, putin provioł vstrieču s hubiernatorom obłasti Rośsii i nie bolšie, priniav u nieho dokład i otčiot.
łukašienko otčitałsia ob uničtožiennom količiestvie biełaruskoho v Biełarusi, zapisannoho v ekstriemistskoje, da ob ubitych łukašienkom biełarusach, vyhnanych iz Biełarusi biełarusach, niezakonno posažiennych v tiuŕmu biełarusach, niezakonno oštrafovannych, uvolennych i otčiślennych biełarusach, čtoby russkim i rośsijanam było spokojno i ujutno v Biełarusi.