Tramp nazvaŭ pieramirje ź Iranam «adnym z samych słabych», a irancy dasłali jamu «kavałak śmiećcia»
11 maja prezident ZŠA Donald Tramp padrabiazna raskazaŭ pra svajo staŭleńnie da adkazu Irana na apošnija mirnyja prapanovy Amieryki, paviedamlaje Fox News.
Vystupajučy ŭ Biełym domie, Tramp zajaviŭ žurnalistam, što prapanova Tehierana nieprymalnaja, i adznačyŭ, što maje płan adnosna dalejšych pieramoŭ.
«Heta było prosta nieprymalna. Viedajecie, mnohija kazali: «Nu, ci jość u jaho płan?» Tak, viadoma, u ich jość… U mianie najlepšy płan za ŭsiu historyju. I Iran paciarpieŭ vajennuju parazu. Poŭnuju. U ich zastałosia trochi taho, što jany, vierahodna, nazapasili za hety čas. My źniščym heta prykładna za dzień. Ale ŭ mianie jość płan. Viedajecie, heta vielmi prosty płan. Nie viedaju, čamu vy nie kažacie tak, jak jość. Iran nie moža mieć jadziernaj zbroi. Jany vielmi niebiaśpiečnyja. Jany vielmi niestabilnyja», — skazaŭ Tramp.
Na pytańnie pra stan pieramirja z Tehieranam Tramp adkazaŭ, što jano «nievierahodna słaboje».
«Ja b skazaŭ, što zaraz heta samaje słaboje pieramirje. Paśla taho jak ja pračytaŭ toj kavałak śmiećcia, što jany nam dasłali. Ja navat nie dačytaŭ jaho da kanca. Ja skazaŭ: «Nie budu marnavać čas na čytańnie». Ja b skazaŭ, što zaraz heta adno z samych słabych pieramirjaŭ», — adznačyŭ jon.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY10
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Vpročiem, kak vsiehda było i budiet vsiehda pri łapidarii.
Prisłali musor, a čto dalšie ?